চিটাৰা ডেস্ক, 28 ছেপ্টেম্বৰ:আজি কোকিল কণ্ঠী লতা মংগেশকাৰৰ ৯৪ সংখ্যক জন্ম জয়ন্তী । ১৯২৯ চনৰ ২৮ ছেপ্টেম্বৰত ইন্দোৰত লতাজীৰ জন্ম হৈছিল । ইফালে ২০২২ চনৰ ৬ ফেব্ৰুৱাৰীত ক’ভিডত আক্ৰান্ত হৈ লতাজীৰ 92 বছৰ বয়সত মৃত্যু হয় । ভাৰত ৰত্ন লতাজী আজি আমাৰ মাজত নাই যদিও তেওঁৰ স্মৃতি আৰু তেওঁৰ গীতবোৰ সদায়ে চিৰস্মৰণীয় হৈ ৰ’ব ৷ লতাজীৰ ৯৪ সংখ্যক জন্মদিনত ছ’চিয়েল মিডিয়া যোগে সকলোৱে তেওঁক স্মৰণ কৰিছে । এই উপলক্ষে প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহে তেওঁক স্মৰণ কৰি তেওঁৰ নামত এটা শ্ৰদ্ধাঞ্জলি পোষ্ট ছ’চিয়েল মিডিয়াত শ্বেয়াৰ কৰিছে ।
প্ৰধানমন্ত্ৰী মোদীৰ পোষ্ট
প্ৰধানমন্ত্ৰী নৰেন্দ্ৰ মোদীয়ে লতা জীৰ ৯৪ সংখ্যক জন্ম বাৰ্ষিকী উপলক্ষে লিখিছে, ‘‘লতা দিদিক তেওঁৰ জন্ম বাৰ্ষিকীত স্মৰণ কৰিছো, ভাৰতীয় সংগীতলৈ তেওঁৰ অনৱদ্য অৱদান দশক দশক ধৰি চলি আছে, যিয়ে চিৰস্থায়ী প্ৰভাৱৰ সৃষ্টি কৰিছে, তেওঁৰ হৃদয়স্পৰ্শী প্ৰকাশে গভীৰ ছাপ পেলাইছে । আমাৰ সংস্কৃতিত তেওঁৰ এক বিশেষ স্থান সদায় থাকিব ।’’
অমিত শ্বাহৰ পোষ্ট