চিটাৰা ডেস্ক, ২ জানুৱাৰী: সম্প্ৰতি গোটেই বিশ্বজুৰি উদযাপন কৰা হৈছে নৱবৰ্ষ ৷ চৌদিশে এতিয়া নৱবৰ্ষৰ উচাহ ৷ কোনোবাই যদি আপোনজনৰ সৈতে ঘৰতে নৱবৰ্ষ উদযাপন কৰিছে, আন বহুতে আকৌ বিদেশলৈ গৈ নৱবৰ্ষ উদযাপন কৰিছে ৷ মুঠৰ ওপৰত বছৰটো যাতে সকলোৰে বাবে ভালে হওক তাৰে কামনা কৰিছে সকলোৱে ৷ কিন্তু ২০২৪ চনৰ নতুন বছৰে জাপানৰ বাবে কঢ়িয়াই আনিছে বিধ্বংসী ৰূপ । ১ জানুৱাৰীত একেৰাহে কেইবাটাও ভূমিকম্পই কঁপাই তুলিছিল জাপান । ভূমিকম্পৰ ফলত এক প্ৰকাৰে বিধ্বস্ত হৈ পৰিছে জাপানৰ বহু চহৰ । ইফালে চাউথ ছুপাৰষ্টাৰ জুনিয়ৰ এনটিআৰে শ্বেয়াৰ কৰিলে এটা আচৰিত কথা ।
আৰ আৰ আৰৰ অভিনেতা জুনিয়ৰ এন টি আৰে কয় যে তেওঁ বিগত বহু দিন ধৰি জাপানত আছিল । কিন্তু সৌভাগ্যক্ৰমে ভূমিকম্পৰ মাত্ৰ কেইঘণ্টামান পূৰ্বে তেওঁ ভাৰতলৈ গুচি আহিছে । জুনিয়ৰ এনটিআৰে জাপানত সংঘটিত হোৱা ভূমিকম্পৰ বিষয়ে টুইট কৰিছে । এই চাঞ্চল্যকৰ ঘটনাৰ বিষয়ে অভিনেতাজনে কয় যে তেওঁ এই ঘটনাত যথেষ্ট আচৰিত হৈ পৰিছে ।
সৌভাগ্যক্ৰমে বাচিলে অভিনেতাগৰাকী