চিটাৰা ডেস্ক, ৫ ডিচেম্বৰ: দেশ আৰু বিশ্বৰ বক্স অফিচত ধুমুহাৰ সৃষ্টি কৰিছে ৰণবীৰ কাপুৰ অভিনীত ছবি এনিমেলে । ৰণবীৰ কাপুৰে ছবিখনত নিজৰ জোৰদাৰ অভিনয়েৰে দৰ্শকক ছবিগৃহলৈ আহিবলৈ বাধ্য কৰাইছে ৷ পূৰ্বে ৰণবীৰক তাহিনীও নেদেখা অৱতাৰত চাবলৈ ছবিগৃহত ভিৰ কৰিছে দৰ্শকে । কেৱল ইমানেই নহয়, ছবিখনত ববি দেওলৰ অভিনয়ো যথেষ্ট শক্তিশালী আছিল ৷ যাৰ বাবে মুক্তিৰ মাত্ৰ ৩ দিনৰ ভিতৰত ভাৰততে ছবিখনে ২০০ কোটি টকাৰ সীমা অতিক্ৰম কৰিছিল । সোমবাৰেও শীৰ্ষস্থান দখল কৰিছে ছবিখনে ।
মুক্তিৰ চতুৰ্থ দিনটোত ‘এনিমেল’এ কিমান কোটি টকা উপাৰ্জন কৰিছে ?
বক্স অফিচত ‘এনিমেল’এ যিদৰে উজ্জ্বল প্ৰদৰ্শন আগবঢ়াইছে, তাৰ পৰা ক’ব পাৰি যে এই ছবিখনে ইতিহাস সৃষ্টিৰ দিশত আগবাঢ়িছে । এই ছবিখন ৰণবীৰ কাপুৰৰ সপোনৰ ছবিত পৰিণত হৈছে । অভিনেতাগৰাকীৰ কেৰিয়াৰৰ আটাইতকৈ ডাঙৰ অ’পেনাৰ ছবি হিচাপে পৰিগণিত হৈছে এনিমেল ৷ ইয়াৰ উপৰিও এই ছবিখনে শ্বাহৰুখ খানৰ ‘জৱান’ৰ পিচত অৰ্থাৎ মুক্তিৰ মাত্ৰ তিনিদিনৰ ভিতৰতে বক্স অফিচত ২০০ কোটি টকাৰ সীমা অতিক্ৰম কৰাৰ অভিলেখো গঢ়িছে । ছবিখনে প্ৰথম দিনা ৬৩.৮ কোটি টকা বক্স অফিচত খাতা খুলে । দ্বিতীয় দিনা শনিবাৰে ছবিখনৰ উপাৰ্জন হয় ৬৬.২৭ কোটি টকা । তৃতীয় দিনা অৰ্থাৎ দেওবাৰে ৭১.৪৬ কোটি টকা উপাৰ্জন কৰে ছবিখনে । এতিয়া ছবিখন মুক্তিৰ চতুৰ্থ দিনৰ অৰ্থাৎ সোমবাৰৰ উপাৰ্জন পোহৰলৈ আহিছে ।
Sacknilk ৰ আৰম্ভণিৰ ট্ৰেণ্ড ৰিপৰ্ট অনুসৰি ‘এনিমেল’ মুক্তিৰ চতুৰ্থ দিন অৰ্থাৎ সোমবাৰে ৩৯.৯ কোটি টকা উপাৰ্জন কৰিছে ।
ইয়াৰ লগে লগে এনিমেলৰ চাৰিদিনৰ মুঠ উপাৰ্জন হৈছেগৈ ২৪১.৪৩ কোটি টকা ।