চিটাৰা ডেস্ক, ৫ ডিচেম্বৰ: বিকি কৌশল অভিনীত ‘ছেম বাহাদুৰ’ ১ ডিচেম্বৰত ছবিগৃহত মুক্তি লাভ কৰিছে । মেঘনা গুলজাৰৰ পৰিচালনাত নিৰ্মিত এই ছবিখন বক্স অফিচত সন্দীপ ৰেড্ডী ভাংগাৰ পৰিচালিত ছবি ‘এনিমেল’ৰ সৈতে প্ৰতিদ্বন্দিতা কৰিবলগীয়া হৈছিল । অৱশ্যে ৰণবীৰ কাপুৰৰ ‘এনিমেল’ৰ ধুমুহাৰ সৈতে সাহসেৰে মুখামুখি হৈছে বিকি কৌশলৰ ‘ছেম বাহাদুৰ’ । ছেম বাহাদুৰে দেওবাৰে বক্স অফিচত ভাল প্ৰদৰ্শন কৰে । জানো আহক বিকি কৌশল অভিনীত ছবিখনৰ সোমবাৰৰ উপাৰ্জন কিমান হৈছে ৷
সোমবাৰে ছেম বাহাদুৰে কিমান কোটি টকা উপাৰ্জন কৰিছে ?
‘ছেম বাহাদুৰ’ত মুখ্য চৰিত্ৰত অভিনয় কৰিছে বিকি কৌশলে । দেশৰ প্ৰথম ফিল্ড মাৰ্শ্বাল ছেম মানেকশ্ব’ৰ জীৱনৰ আধাৰত নিৰ্মিত এই ছবিখন । ছবিখনে দৰ্শকৰ পৰা যথেষ্ট প্ৰশংসা লাভ কৰিছে । ‘ছেম বাহাদুৰ’ৰ উপাৰ্জনৰ কথা ক’বলৈ গ’লে এই ছবিখনে মুক্তিৰ প্ৰথম দিনাই ৬.২৫ কোটি টকা সংগ্ৰহ কৰিছিল । ইয়াৰ পিচত দ্বিতীয় দিনা অৰ্থাৎ শনিবাৰে বিকিৰ ছবিখনৰ উপাৰ্জন ৪৪ শতাংশ বৃদ্ধি পাই আৰু উপাৰ্জন ৯ কোটি টকালৈ বৃদ্ধি হয় । তৃতীয় দিনা অৰ্থাৎ দেওবাৰে ছেম বাহাদুৰে ১৪.৪৪ শতাংশ বৃদ্ধিৰে ১০.৩ কোটি টকা উপাৰ্জন কৰে । ইয়াৰ লগে লগে ছবিখনে মুক্তিৰ তিনিদিনতে ২৫ কোটিতকৈ অধিক টকাৰ ব্যৱসায় কৰিবলৈ সক্ষম হয় । এতিয়া ছবিখন মুক্তিৰ চতুৰ্থ দিন অৰ্থাৎ সোমবাৰৰ উপাৰ্জন এনেধৰণৰ. . .
- Sacknilk ৰ ট্ৰেণ্ড ৰিপৰ্ট অনুসৰি মুক্তিৰ চতুৰ্থ দিন অৰ্থাৎ সোমবাৰে ছেম বাহাদুৰে মাত্ৰ ৩.৫০ কোটি টকা উপাৰ্জন কৰিছে ।
- ইয়াৰ লগে লগে চাৰিদিনত ‘ছেম বাহাদুৰ’ৰ মুঠ উপাৰ্জন হৈছে ২৯.০৫ কোটি টকা ।
লগতে পঢ়ক: পাঠান-জৱানৰ পিছত ছেম বাহাদুৰত উজলিল তিনি অসম সন্তান
