নেশ্যনেল ডেস্ক,২৩ জুলাই: ভাৰতে ১৫ জুলাই, ২০২২ লৈকে অনুদান,বাণিজ্যিক ৰপ্তানি অথবা ক'ভিড-19 ভেকছিন গ্লোবেল এক্সেছ (চিঅভিএএক্স)ৰ জৰিয়তে ১০১ খন দেশ আৰু ৰাষ্ট্ৰসংঘৰ প্ৰতিষ্ঠানসমুহক ২৩.৯ কোটি পালি কৰ'না ভাইৰাছৰ ভেকচিন যোগান ধৰিছে বুলি শুকুৰবাৰে লোকসভাত উল্লেখ কৰে স্বাস্থ্য ৰাজ্যিক মন্ত্ৰী(Minister of State for Health) ভাৰতী প্ৰবীণ পাৱাৰে ।(India supplies crores of vaccine doses) তেওঁ লগতে উল্লেখ কৰে যে ১৯ জুলাই, ২০২২ লৈকে দেশত ১২ বছৰৰ ওপৰৰ হিতাধিকাৰীসকলক মুঠ ২০০.৩৪ কোটি ক'ভিড-১৯ ভেকচিন প্ৰদান কৰা হৈছে ।
ইফালে মন্ত্ৰীগৰাকীয়ে সদনত উল্লেখ কৰা অনুসৰি বৰ্তমানলৈও ১২ বছৰৰ তলৰ শিশুক Covid19ৰ টীকাকৰণৰ ব্যৱস্থা কৰা হোৱা নাই(coronavirus vaccine) । বৰ্তমান টীকাকৰণ কাৰ্যসূচীৰ অধীনত পাঁচটা কোভিড-19 ভেকচিন ভাৰতত ব্যৱহাৰ কৰি থকা হৈছে । সেই কেইটা হৈছে কভিশ্বিল্ড, কভোভাক্স, কভাক্সিন, স্পুটনিক ভি ভেকচিন আৰু কৰ্বেভাক্স । তেওঁ লগতে উল্লেখ কৰে যে সকলো যোগ্য হিতাধিকাৰীক টীকাকৰণৰ বাবে সকলো ৰাজ্য আৰু কেন্দ্ৰীয় শাসিত অঞ্চলৰ বাবে পৰ্যাপ্ত ভেকচিন পালি উপলব্ধ কৰোৱা হৈছে ।