কলিয়াবৰৰ হাজাৰী ভাওনা ২০২৪
কলিয়াবৰ, ২৬ মাৰ্চ :সোমবাৰে নিশা সামৰণি পৰে কলিয়াবৰৰ হাজাৰী ভাওনা ২০২৪ । যোৱা ২৩ মাৰ্চৰ পৰা হাটবৰ হাজাৰৰ ব্যৱস্থাপনাত তিনিদিনীয়াকৈ আয়োজন কৰা হয় এই হাজাৰী ভাওনা ৷ ২৩ মাৰ্চৰ পৰা চাৰিখন খলাত দুটা নিশা মুঠ আঠখন ভাওনা পৰিৱেশন কৰা হয় ।
সোমবাৰে নিশা প্ৰথম খলাত সোণাৰি গাঁও হাজাৰে 'শৃংগী মুনিৰ অভিশাপ', দ্বিতীয় খলাত পশ্চিম কলিয়াবৰ হাজাৰে 'পাণ্ডৱৰ ৰাজসুয় যজ্ঞ', তৃতীয় খলাত সমন্বিত যুৱ তীৰ্থই 'ৰুক্মিণী হৰণ' আৰু চতুৰ্থ খলাত বৰভগীয়া হাজাৰে পৰিৱেশন কৰে 'পিতা-পুত্ৰৰ যুদ্ধ' ।
সোমবাৰে দিনৰ ভাগত হাজাৰী ভাওনা উৎসৱৰ লগত সংগতি ৰাখি 'হাজাৰী ভাওনা' নামৰ স্মৃতিগ্ৰন্থখনি উন্মোচন কৰে বিশিষ্ট সাহিত্যিক উপেন্দ্ৰ বৰকটকীয়ে । লগতে এক সভাত অংশগ্ৰহণ কৰে গৱেষক, লেখক ড৹ প্ৰদীপজ্যোতি মহন্ত আৰু বিশিষ্ট লেখিকা শিক্ষাসেৱী ড৹ কৰবী বেকাৰ হাজৰিকা, শিক্ষক গুণীন হাজৰিকাই ।