নিউজ ডেস্ক, ৩০ এপ্ৰিল: আগন্তুক আইচিচি টি-২০ বিশ্বকাপ ২০২৪ৰ বাবে ১৫ জনীয়া ভাৰতীয় দলটোক নেতৃত্ব দিব ৰোহিত শৰ্মাই । বিচিচিআয়ে ঘোষণা কৰিলে দলটোৰ খেলুৱৈসকলৰ নাম ।
উল্লেখ্য যে দলটোত কে এল ৰাহুলে স্থান লাভ কৰিব বুলি সকলো নিশ্চিত আছিল যদিও, অপ্ৰত্যাশিতভাৱে বাদ পৰিল উইকেটকীপাৰ-বেটছমেনগৰাকী । শুভমন গিল, ৰিংকু সিং, খলিল আহমেদ আৰু আৱেশ খানক স্থান দিয়া হ’ল সংৰক্ষিত খেলুৱৈৰ তালিকাত ।
লাইনআপৰ টপ অৰ্ডাৰ বেটছমেনসকলৰ ভিতৰত আছে ৰোহিত শৰ্মা আৰু বিৰাট কোহলীৰ তাৰকা যুটি আৰু যুৱ বেটাৰ যশস্ৱী জয়ছোৱাল । ঋষভ পন্তে আঘাতৰ পৰা উভতি অহাৰ পিছত স্থান লাভ কৰিছে, আনহাতে সঞ্জু চেমছন লাইনআপৰ আন এজন উইকেটকীপাৰ ।
হাৰ্দিক পাণ্ডিয়া, শিৱম দুবে আৰু ৰবীন্দ্ৰ জাদেজা, অক্ষৰ পেটেলে অলৰাউণ্ডাৰৰ দায়িত্ব পালন কৰিব । আনহাতে কুলদীপ যাদৱ আৰু যুজবেন্দ্ৰ চাহালৰ হাতত আছে স্পিন আক্ৰমণৰ কামান । অৰ্শদীপ সিং, যশপ্ৰীত বুমৰাহ আৰু মহম্মদ চিৰাজে পেচ বলিঙৰ দায়িত্ব চম্ভালিব ।