ইণ্টাৰনেশ্যনেল ডেস্ক, 27 ফেব্ৰুৱাৰী:অব্যাহত গাজা-ইজৰাইল সংঘাত ৷গাজাৰ সংঘাত সন্দৰ্ভত ’উদ্বেগ’ প্ৰকাশ কৰিছে বৈদেশিক পৰিক্ৰমা মন্ত্ৰী এছ জয়শংকৰে ৷ ভাৰতে কয় যে এই সংঘাতৰ পৰা উদ্ভৱ হোৱা মানৱীয় সংকটৰ বাবে এনে এক বহনক্ষম সমাধানৰ প্ৰয়োজন যিয়ে আটাইতকৈ বেছি ক্ষতিগ্ৰস্তসকলক তাৎক্ষণিকভাবে সকাহ প্ৰদান কৰে ।
ৰাষ্ট্ৰসংঘৰ মানৱ অধিকাৰ পৰিষদৰ 55 সংখ্যক অধিৱেশনত ভাষণ দি বৈদেশিক পৰিক্ৰমা মন্ত্ৰী এছ জয়শংকৰে সন্ত্ৰাসবাদ আৰু পণবন্দী কোনোপধ্যে গ্ৰহণযোগ্য নহয় বুলি কয় আৰু এই সংঘাত অঞ্চলটোৰ ভিতৰত বা বাহিৰলৈ বিয়পি নাযায় বুলি আশা প্ৰকাশ কৰে । যোৱা বছৰৰ 7 অক্টোবৰত হামাছে ইজৰাইলৰ ওপৰত চলোৱা সন্ত্ৰাসবাদী আক্ৰমণক ভাৰতে তীব্ৰ গৰিহণা দিছিল ।
বৈদেশিক পৰিক্ৰমা মন্ত্ৰীগৰাকীয়ে আন্তঃৰাষ্ট্ৰীয় মানৱীয় আইনক সদায় সন্মান কৰিব লাগিব বুলি উল্লেখ কৰি ইজৰাইলৰ ভিতৰত পেলেষ্টাইনী জনসাধাৰণে বাস কৰিব পৰাকৈ দুখন ৰাষ্ট্ৰৰ সমাধান বিচৰাৰ ওপৰতো প্ৰচেষ্টা কেন্দ্ৰীভূত হ’ব লাগিব বুলিও কয় । চলিত মাহৰ আৰম্ভণিতে মিউনিখ নিৰাপত্তা সন্মিলনত অনুষ্ঠিত এক ইন্টাৰেক্টিভ অধিবেশনত ভাষণ দি জয়শংকৰে পেলেষ্টাইন বিষয়ত ভাৰতৰ দীৰ্ঘদিনীয়া স্থিতি সন্দৰ্ভত আলোকপাত কৰিছিল ।