کانگریس کی غلطیوں سے بی جے پی کو تین ریاستوں میں جیت ملی، وزیراعلیٰ ممتابنرجی

کولکاتا:مغربی بنگال کی وزیراعلیٰ ممتابنرجی نے چار ریاستوں میں اسمبلی انتخابات کے نتائج کو لے کر عوام نے فیصلہ دیا ہے اس کا خیر مقدم کرتے ہیں۔عوام نے سوچ سمجھ کر ہی کچھ فیصلہ دیا ہے اس پر غور و فکر کرنے کی ضرورت ہے۔تلنگانہ کا نتیجہ حیران کن نہیں ہے۔وہاں کے لوگوں نے پہلے ہی موڈ بنا لیا تھا۔

وزیراعلیٰ ممتابنرجی نے کہاکہ چار میں سے تین ریاستوں میں کانگریس کی شکست تشویش کا باعث ہے۔کانگریس کو اس طرح کے نتائج پر غور فکر نے کی ضرورت ہے۔چند غلطیوں کی وجہ سے شکست کا سامنا کرنا پڑا ہے۔

ترنمول کانگریس کی سربراہ ممتابنرجی نے کہاکہ تین ریاستوں میں کانگریس کو شکست کا سامنا کرنا پڑا ہے۔یہ صرف اور صرف کانگریس کی شکست ہے۔اگر ان ریاستوں میں سیٹوں کی تقسیم کا فیصلہ صحیح طریقے سے ہوتا تو شاہد نتیجہ کچھ اور بھی ہو سکتا تھا۔انتخابات سے قبل سیٹوں کی تقسیم کو لے کر تبادلہ خیال ضروری ہے۔

انہوں نے کہاکہ 2024 لوک سبھا انتخابات میں سیٹوں کی تقسیم کو لے کر اگر صحیح طریقے سے سمجھوتہ ہوتا ہے تو بی جے پی کی شکست یقینی ہے۔تین ریاستوں میں ملی جیت کا 2024 لوک سبھا انتخابات پر کوئی فرق نہیں پڑ سکتا ہے۔اس کے لئے سیٹوں کے سجھوتے کو ترجیح دینے کی ضرورت ہے۔

ان کا کہنا ہے کہ اگلے سال ہونے والے انتخابات کے لئے ہم سبھوں کو سر جوڑ کربیٹھنے کی ضرورت ہے۔ہمیں یقین ہے کہ ہندوستان کے لوگ بی جے پی کو ملک کی باگ دوڑ سنبھالنے کی ذمہ داری تیسری مرتبہ نہیں دیں گے۔