یوپی اقلیتی بہبود کے وزیر
نئی دہلی: حکومت اتر پردیش کے وزیر مملکت برائے اقلیتی بہبود دانش آزاد انصاری نے آج نئی دہلی میں وزیر اعظم کے دفتر میں وزیر اعظم نریندر مودی سے رسمی ملاقات کرکے اتر پردیش میں اقلیتوں کے حوالے سے جاری ترقیاتی اسکیمز کے بارے میں بتایا۔ ملاقات کے دوران دانش آزاد انصاری نے وزیر اعظم کو محکمۂ اقلیت کی طرف سے کیے جا رہے کاموں کے ساتھ ساتھ ریاست بھر کے مدارس میں یوم اقلیتی حقوق کے موقع پر منعقد ہونے والی سائنسی نمائش اور مدرسہ سطح کے کھیلوں کے مقابلوں کے بارے میں بتایا۔ آئندہ ایام میں مقابلہ اور اقلیتی روزگار میلے کے بارے میں جانکاری دیتے ہوئے وزیر اعظم سے ان کی رہنمائی حاصل کی۔ UP Minority Welfare Minister Danish Azad Ansari meets the Prime Minister
یہ بھی پڑھیں:
وزیر اعظم نے بات چیت کے دوران دانش ازاد انصاری سے کہا کہ اقلیتی سماج اور نوجوانوں کے لیے بہتر سے بہتر کام کرنے کی ضرورت ہے۔ وزیراعظم نے کہا کہ جس طریقے سے حکومت ایمانداری سے سبھی اسکیم کا سیدھا فائدہ اقلیتی سماج کو دے رہی ہے۔ اور ان کی ترقی ہو رہی ہے آئندہ بھی ایسے ہی جاری رکھتے ہوئے سب کا ساتھ سب کا وکاس کے نعرے پر ایمانداری کے ساتھ کام کرنا ہے۔ خاص طور سے پسماندہ مسلم سماج کے بارے میں بات چیت کرتے ہوئے وزیراعظم نے کہا کہ پسماندہ سماج کو بہتر تعلیم اور روزگار پر سنجیدگی سے کام کرنا ہے۔
