نوئیڈا:ریاست اترپردیس میں نوئیڈا پولیس نے ایک گینگ کا پردہ فاش کیا جبکہ گینگ کے 12 افراد کو گرفتار کرلیا جن کے قبضے سے 36 ڈیسک ٹاپ، 36 سی پی یو، 15 لیپ ٹاپ، 8 اسمارٹ فونز، 32 پورٹ ڈائلر سسٹم، 135 سم کارڈ، 10 ہیڈ فون، 1 لاکھ 50 ہزار روپے بھی برآمد ہوئے۔
تفتیش کے دوران پولیس کو ان سے بہت ہی اہم معلومات ملی ہیں۔ Scam Of Crores From Chinese Loan Application, Gang Busted, 12 Arrested
سیکٹر 63 میں کال سینٹر چل رہا تھا:
گوتم بدھ نگر کے ڈی سی پی کرائم ابھیشیک ورما نے بتایا کہ پولیس نے نوئیڈا کے سیکٹر-63 میں چھاپہ مارا اور ایک کال سینٹر کو بے نقاب کیا۔ اس کال سینٹر میں چائنیز ایپ کے ذریعے کم سے کم وقت میں قرضہ دیا جاتا تھا اور پھر ریکوری ہوتی تھی۔ تفتیش میں یہ بات سامنے آئی ہے کہ یہ ملزمان قرض لینے والوں سے تصویریں لیتے تھے اور پھر انہیں فحش بنا کر ان کے گھر والوں اور رشتہ داروں کو بھیجتے تھے۔ قرض لینے والوں سے بدتمیزی بھی کرتے تھے۔
لوگوں کو مجبور کرنے کے لئے استعمال کیا جاتا تھا:
تفتیش میں یہ بات سامنے آئی ہے کہ جب کوئی شخص انہیں پیسے مانگنے پر نہیں دیتا تھا تو وہ اس کی فحش تصاویر بنا کر گھر والوں کو بھیج دیتے تھے۔ اس کے بعد متاثرہ افراد لاج شرم کی وجہ سے خودکشی پر مجبور ہو جاتے تھے۔ ان لوگوں کی وجہ سے اب تک کئی لوگ خودکشی کر چکے ہیں۔ تاہم، یہ ابھی تفتیش کا معاملہ ہے کہ کتنے لوگ ان کا شکار ہوئے ہیں۔
کمزور اور کم آمدنی والے طبقے کے لوگوں کو قرض دیتے تھے:
ڈی سی پی نے کہا کہ چینی لون ایپ کمپنی غیر قانونی طور پر زیادہ شرح سود پر قلیل مدتی قرضے خاص طور پر کمزور اور کم آمدنی والے افراد کو دیتی ہے، یہ کمپنیاں رابطہ کی تفصیلات، مقام، تصاویر اور ویڈیوز جیسے خفیہ ذاتی ڈیٹا کا استعمال کرتے ہوئے قرض لینے والوں کو ہراساں اور بلیک میل کرتی ہیں۔ ان غیر قانونی کمپنیوں کے برے رویے کی وجہ سے ملک بھر میں بہت سے لوگ جان کی بازی ہار چکے ہیں۔
مزید پڑھیں:Traders Protest جی ایس ٹی کی مسلسل چھاپہ ماری کے خلاف تاجروں میں شدید ناراضگی
قومی سلامتی کے لئے خطرہ:
اس سے قومی سلامتی، معیشت اور شہری دفاع پر سنگین مضمرات درپیش ہیں۔ قرض لینے والوں کو لازمی طور پر انہیں اپنے رابطے کی تفصیلات، مقام اور فون اسٹوریج دینا ہوگا۔ تحقیقات سے پتا چلا ہے کہ یہ ایک منظم سائبر کرائم ہے، جو عارضی ای میلز، ورچوئل نمبرز، نامعلوم افراد کے اکاؤنٹس، شیل کمپنیوں، ادائیگیوں کی خدمات فراہم کرنے والے، API سروسز، کلاؤڈ ہوسٹنگ اور کرپٹو کرنسی کے ذریعے انجام دیا جاتا ہے۔Scam Of Crores From Chinese Loan Application, Gang Busted, 12 Arrested
