پرتاپ گڑھ: اترپردیش میں پرتاپ گڑھ ضلع کے ایڈیشنل سیشن جج سیتارام کی عدالت نے ڈی ایس پی (سرکل افسر ) بھدوہی کے ذریعہ عدالت میں بیان درج کرانے نہ پہنچنے پر غیر ضمانتی وارنٹ جاری کرتے ہوئے حکم دیا کہ انہیں گرفتار کرکے عدالت میں پیش کیا جائے، وہیں پولیس سپرنٹنڈنٹ بھدوہی کے خلاف محکمہ کی کارروائی کے لئے ڈی جی پی کو مکتوب ارسال کیا۔ Pratapgarh Sessions Judge on DSP Bhadohi
ڈی جی سی دیویندر گپتا کے بموجب 23/ مارچ 2004 کو اس وقت تھانہ سانگی پور ایس ایچ او رہے ،موجودہ ڈی ایس پی بھونیشور پانڈے نے چیکنگ کے دوران گیارہ بم کے ساتھ ملزم آتمارام کو گرفتار کیا تھا ۔عدالت نے سرکار بنام آتمارام مقدمہ میں بیان درج کرانے کے لئے نہیں آنے پر بھدوہی ضلع میں تعینات ڈی ایس پی (سرکل افسر ) بھونیشور پانڈے کے خلاف غیر ضمانتی وارنٹ جاری کرتے ہوئے 17/نومبر 2022 کو گرفتار کر پیش کرنے کے لئے جہاں اے ڈی جی مرزاپور کو حکم دیا ،وہیں پولیس سپرنٹنڈنٹ بھدوہی کے خلاف سخت تنقید کرتے ہوئے ڈی جی پی کو محکمہ کی کارروائی کے لئے مکتوب ارسال کیا ۔
یہ بھی پڑھیں: Sexual Abuse Case Against Police Sub Inspector پولیس سب انسپکٹر کے خلاف نابالغہ کے ساتھ جنسی زیادتی کا کیس درج
یو این آئی
