ریاست اترپردیش کے ضلع میرٹھ میں آج سابق وزیراعظم اٹل بہاری واجپئی کے یوم پیدائش کے موقع پر ایک کسان سیمینار کا اہتمام کیا گیا۔ جس میں کسانوں کو حکومت کی جانب سے جاری اسکیمز کی جانکاری دی گی۔
ساتھ ہی وزیراعظم نریندر مودی کے ذریعے آج کسانوں کے کھاتوں میں 18000 کروڑ روپے ڈالے جانے پر حکومت کے کاموں کو سراہا بھی گیا۔
وہیں زرعی قوانین کی مخالفت میں کسانوں کا احتجاج آج بھی جاری ہے۔ اس سب کے باوجود آج مرکزی حکومت کی جانب سے کسانوں کو لبھانے کے لیے 18000 کروڑ کی رقم کسانوں کے کھاتے میں ڈالے جانے کو لیکر میرٹھ کے رجپرا بلاک میں کسان نمائش کے علاوہ سیمینار کا اہتمام کیا گیا۔
اس موقع پر بی جے پی کی جانب سے رکن پارلیمان کانتا کردم نے کسانون کو اسکیمز کی جانکاری دیتے ہوئے کسانون کے احتجاج کو مخالف سیاسی جماعتوں کا پلان قرار دیا۔
انہوں نے کہا کہ 'دہلی میں کسانوں کا احتجاج، مخالف سیاسی جماعتیں کی طرف سے حکومت کے خلاف ایک سازش کے تحت انجام دیا جا رہا ہے۔'
بتایا جا رہا ہے کہ میرٹھ کے رجپرا بلاک میں منعقد کئے گئے اس سیمینار میں جہاں کسانوں کو سرکاری اسکیمز کی جانکاری دی جا رہی ہے۔ وہیں اس کے ذریعے کسانوں کے احتجاج کو کمزور کرنے کی کوششیں کی جا رہیں ہیں۔