حیدرآباد: حیدرآباد عوامی مجلس عمل تلنگانہ و آندھرا پردیش کی ایک پریس کانفرنس میں مشترکہ طور پر ہندو، مسلم، سکھ، بدھ اور عیسائی دھرم کے رہنماؤں نے شان رسولﷺ میں گستاخی کے واقعہ کی سخت مذمت کرتے ہوئے قصوروار افراد کے خلاف سخت سزا کا مطالبہ کیا اور ملک کی سالمیت اور اتحاد و امن کے لیے ایسے لوگوں کو خاص طور پر نُپور شرما اور نوین جندال کی فوری گرفتاری کا مطالبہ کیا۔ Religious Leaders Demand Punishment for Insolent People
کئی مذاہب کے رہنماؤں نے شانِ رسول میں گستاخی والے بیانات پر اپنی برہمی کا اظہار کرتے ہوئے بی جے پی قصوروار رہنماؤں کو قانون کے مطابق سزا دینے کا مطالبہ کیا۔ بی جے پی کی رہنما نُپور شرما کی جانب سے رسول اکرمﷺ کے خلاف نازیبا کلمات کہے جانے اور شان رسول میں گستاخی کے خلاف پوری دنیا میں ناراضگی کا اظہار کیا جا رہا ہے۔ ملک میں اس کے خلاف کئی جگہوں پر احتجاج بھی ہوئے ہیں۔ لیکن حکومت کی جانب سے ابھی تک نُپور شرما اور نوین جندال کے خلاف کوئی کارروائی نہیں کی گئی ہے۔ جس کے خلاف پورے ملک میں مسلمانوں کی جانب سے ناراضگی کا اظہار کیا جا رہا ہے اور نُپور شرما اور نوین جندال کی فوری گرفتاری کا مطالبہ کیا جا رہا ہے۔
حیدرآباد میں کئی مذاہب کے رہنماؤں نے شان رسول ﷺمیں گستاخی کرنے والے کی مذمت کرتے ہوئے ان کو فوری طور پر گرفتار کرنے اور قانون کے تحت کارروائی کرنے کا مطالبہ کیا۔ نارا گوئی، پرمود مہاجن سوا سنگٹھن، داسو رام نائک، بھارت مکتی مورچہ، پرکالا پربھاکر، امان اللہ خان صدر عوامی مجلس عمل، مجاہد ہاشمی، مولانا عبد الرحیم خرم جامعی اہلِ حدیث اور مختلف مذاہب کے رہنماؤں نے اس واقعہ کی مذمت کی اور ملک کی سالمیت اور اتحاد و امن کے لیے ایسے لوگوں کو خطرہ قرار دیا۔ مذہبی رہنماؤں نے شان رسول میں گستاخی کرنے والوں کو قانون کے مطابق سزا دینے کا مطالبہ کیا۔ ریپبلک پارٹی آف انڈیا کے رہنما پرکلا پربھاکر نے کہا کہ پیغمبر اسلام کے خلاف نازیبا کلمات کا استعمال کیا گیا۔ ہم بدھ دھرم کے ماننے والے اس کی سخت مذمت کرتے ہیں اور بی جے پی رہنما نُپور شرما کے خلاف سخت کارروائی کا مطالبہ کرتے ہیں اور ساتھ ہی اس کی گرفتاری کا مطالبہ کرتے ہیں۔
یہ بھی پڑھیں:
- Protest Against Nupur Sharma In Bhilwara: بھیلواڑا میں نوپور شرما اور نوین کمار جندل کے خلاف زبردست احتجاج
- Protest Against Nupur Sharma: رانچی میں احتجاج کے دوران پولیس اور مظاہرین میں جھڑپ، ایک شخص ہلاک
- Hurriyat Conference on Derogatory Remarks Against Prophet: پیغمبر اسلام ﷺ کے خلاف توہین آمیز تبصرے پر کلُ جماعتی حریت کانفرنس کی سخت برہمی
- Protest Against Nupur Sharma in Jaipur: جےپور میں نوپور شرما اور نوین کمار جندل کے خلاف زبردست احتجاج
- Protest Against Derogatory Remarks in Kolkata: کولکاتا کے متعدد علاقوں میں نوپور شرما خلاف احتجاج
داسو رام نیک نے کہا کہ پیغمبر اسلام کے خلاف بیان بازی ناقابل قبول ہے۔ ہم اس کی مذمت کرتے ہیں اور ان لوگوں کے خلاف سخت کارروائی کا مطالبہ کرتے ہیں جنہوں نے پیغمبر اسلام کے خلاف گستاخی کی ہے۔ انہوں نے کہا کہ بی جے پی جیسی پارٹیاں ایس ٹی ایس سی اور اقلیتوں کو نقصان پہنچا رہی ہیں۔
