پیپلز ڈیموکریٹک پارٹی کی صدر وسابق وزیر اعلی جموں وکشمیر محبوبہ مفتی نے اپنے ایک ٹویٹ میں مرکزی حکومت کو تنقید کا نشانہ بناتے ہوئے کہا کہ 'کشمیریوں کو ہر ممکنہ طریقے سے مشکلات و مسائل میں مبتلا کرنے کے بعد اب ان کے سکون قلب اور اطمینان دینے والے مذہبی مقامات کو بھی بند کیا جارہا ہے'۔ Mehbooba Mufti's Reaction to the Closure of Jamia Masjid
گزشتہ کل شب برات کے بابرکت اور عظیم شب پر جامع مسجد سرینگر کو انتظامیہ کی جانب سے بند رکھنے کے احکامات کی طرف اشارہ کرتے ہوئے انہوں نے کہا کہ' لوگوں کے چین وسکین فراہم کرنے والے مذہبی عبادت گاہوں کے دروازے جان بوجھ کر بند کیے جارہے ہیں، تاکہ لوگوں کو مزید محرومی اور مایوسی کا احساس پیدا ہو اور ایسے حربوں کو ظالمانہ ہی کہا جاسکتا ہے۔
واضح رہے کہ انتظامیہ کی جانب سے اجازت نہ ملنے کے باعث گزشتہ کل جامع مسجد سرینگر میں شب برات کی مناسب سے کوئی تقریب منعقد نہ ہوسکی اور جامع مسجد کے مرکزی دروازے پر تالہ دیکھتے ہوئے عقیدت مندوں کو وہاں سے مایوس ہوکر واپس لوٹنا پڑا ۔
- مزید پڑھیں: Shab-e-Barat Disallowed In Jamia Masjid Srinagar: جامع مسجد سرینگر شب برات اورعشاء نماز کے لیے بند
جمعہ دیر شام انتظامیہ افسران نے انجمن اوقاف جامع مسجد کو مطلع کیا کہ شب برات کی مناسبت سے مسجد میں کسی طرح کی کوئی تقریب منعقد کرنے اجازت نہیں ہے اور مسجد کو صبح تک بند کردیا جائے۔