ریاست جموں و کشمیر میں واقع گلمرگ میں 8 فروری کی اولین ساعتوں میں زلزلہ کا جھٹکا محسوس کیا گیا ہے۔ بھارت میں زلزلہ کی پیمائش کرنے والے قومی مرکز این سی ایس کے مطابق جس کی شدت ریختر پیمانے پر 3.5 ریکارڈ کی گئی ہے۔
این سی ایس نے بتایا کہ اس کا مرکز ریاست جموں و کشمیر کا سیاحتی مقام گلمرگ تھا۔ جب کہ زلزلہ کے جھٹکے صبح 4 بج کر 56 منٹ پر محسوس کیے گئے، جھٹکوں کی گہرائی زیر زمین 30 کیلو میٹر ناپی گئی ہے۔ جب کہ گلمرگ سے 73 کیلو میٹر کے دائرہ میں اس کی وسعت کا اندازہ قائم کیا گیا ہے۔ زلزلہ میں اب تک کسی جان و مال کے نقصان کی اطلاع نہیں ہے۔ مزید تفصیلات کا انتظار ہے.
