اندور، اجین: ریاست مدھیہ پردیش مالوہ کے اندور اور اجین میں اساتذہ کے اعزاز میں جلسہ منعقد ہوا جس میں تعلیم کے میدان میں بہترین خدمات اور بے مثال کارکردگی کے لیے اعزازی جلسہ منعقد کیا گیا جس میں اساتذہ کو اعزاز سے نوازا گیا۔ اساتذہ کسی بھی ملک کی تعمیر و ترقی کے لیے ریڑھ کی ہڈی کا کردار ادا کرتے ہیں۔ دنیا کی تمام ترقی اور علم کی چمک اساتذہ کی ہی کوششوں کا نتیجہ ہے۔
یہ بھی پڑھیں:
زندگی کے مختلف شعبہ جات میں ہم جتنی بھی کامیابی اور بلندی حاصل کرتے ہیں اس کے پیچھے اساتذہ کا ہی ہاتھ ہوتا ہے۔ آزاد ملک کے صدر جمہوریہ فلسفی و ماہر تعلیم ڈاکٹر سروپلی رادھا کرشنن کا یوم پیدائش ملک بھر میں یوم اساتذہ کے طور پر منایا جاتا ہے۔ اس موقع پر تعلیم کے میدان میں بہترین خدمات اور بے مثال کام کے لیے اساتذہ کی اعزازی تقاریب ملک کی مختلف ریاستوں میں منعقد کی جاتی ہیں۔
یہ بھی پڑھیں:
اسی کڑی میں ریاست مدھیہ پردیش کے تاریخی شہر اجین کی سماجی تنظیم جذبہ ویلفیئر سوسائٹی نے تعلیمی میدان میں بہترین خدمات انجام دینے والے اساتذہ کے اعزاز کے لیے جہاں جلسہ منعقد کیا تو وہیں صنعتی شہر اندور میں نگر نگم نے اساتذہ کے اعزاز کے لیے تقریب کا انعقاد کیا دونوں تقریبات میں اساتذہ کو اعزاز سے نوازا گیا۔ اس پروگرام میں شہر کی مختلف بڑی شخصیات نے شرکت کی جس میں قابل ذکر اندور میئر پوشیا مترا بھارگو Pushyamitra Bhargav Mayor of Indore بھی شامل ہیں۔