حیدر آباد: ریاست کرنا ٹک میں ہوئے اسمبلی انتخاب میں کانگریس پارٹی نے شاندار مظاہرہ کیا ہے ۔بی جے پی نے ناقص کاکردگی کا مظاہرہ کیا ہے ۔ریاست میں باپ بیٹے کے وزیر اعلی بننے کی بہت کم مثالیں ہیں۔ ایچ ڈی دیوے گوڑا اور ان کے بیٹے ایچ ڈی کمارسوامی کے علاوہ، ایک اور باپ بیٹے کی جوڑی ایس آر بومائی اور بسواراجا بومائی کی ہے۔ ریاست میں یہ ایک نایاب جوڑی ہے کہ باپ اور بیٹا دونوں ہی وزیر اعلیٰ کے عہدے پر فائز ہوئے ہیں۔ جولائی 2021 میں کرناٹک کی سیاست میں تبدیلیوں کی وجہ سے بی ایس یدیورپا کے بعد بسواراج بومئی نے کرناٹک کے وزیر اعلیٰ کے طور پر حلف لیا تھا۔
63 سالہ بسواراج بومائی 28 جنوری 1960 کو ہبلی میں پیدا ہوئے۔ سابق وزیر اعلیٰ ایس آر بومائی کے بیٹے بسواراج کرناٹک میں بی جے پی کے قدآور لیڈروں میں سے ایک ہیں۔ انہوں نے 1982 میں بھومرادی کالج آف انجینئرنگ اینڈ ٹیکنالوجی سے بی ای کی ڈگری حاصل کی۔ بسواراج بومائی کی بیوی کا نام چنمما ہے اور ان کے دو بچے ہیں۔ بسواراج بومائی کو سال 2021کے شروع میں کرناٹک کا وزیر داخلہ بنایا گیا تھا۔ وہ 2004 سے 2008 تک کرناٹک قانون ساز اسمبلی کے رکن بھی رہ چکے ہیں۔ وہ 1998 اور 2004 میں دھارواڑ سے ایم ایل اے منتخب ہوئے۔ جب یدیورپا وزیر اعلیٰ بنے تو وہ ہاویری ضلع کے شیگاؤں حلقہ سے ایم ایل اے منتخب ہوئے۔
بسواراج بومائی کا شمار طاقتور لنگایت لیڈروں اور یدی یورپا کے قریبی ساتھیوں میں ہوتا ہے۔ بی ایس یدوریپا کے استعفیٰ کے بعد انہیں وزیر اعلیٰ کے عہدے کے لیے منتخب کیا گیا تھا۔ یہ یدی یورپا ہی تھے جنہوں نے بسواراج کا نام تجویز کیا اور دھرمیندر پردھان نے ان کے نام کا اعلان کیا۔
ان کا پورا نام بسواراج سومپا بومائی ہے۔ بومئی، جو کرناٹک کے امور داخلہ، قانون، پارلیمانی امور کے وزیر تھے، نے ہاویری اور اڈوپی کے ضلع انچارج وزیر کے طور پر بھی خدمات انجام دیں۔ اس سے پہلے وہ آبی وسائل اور تعاون کے وزیر کے طور پر کام کر چکے ہیں۔
ٹاٹا گروپ میں کام کیا۔
مزید پڑھیں:Bomai Expects Magic Figure 'جادوئی اعداد و شمار عبور کرکے بی جے پی حکومت بنائے گی'
کرناٹک کے سابق وزیر اعلیٰ ایس آر بومائی کے بیٹے بسواراج نے مکینیکل انجینئرنگ میں بی ای کیا ہے۔ بسواراج نے اپنے کیریئر کا آغاز ٹاٹا گروپ سے کیا۔ مکینیکل انجینئر ہونے کے علاوہ وہ پیشے کے اعتبار سے ایک کسان اور کاروباری شخصیت بھی ہیں۔ انہوں نے اپنا سیاسی کیریئر جنتا دل سے شروع کیا۔ وہ 2008 میں جنتا دل سے بی جے پی میں شامل ہوئے تھے۔ اس کے بعد کبھی پیچھے مڑ کر نہیں دیکھا۔ اس کے بعد بی جے پی پارٹی اور حکومت میں اہم عہدوں پر فائز ہے۔
لنگایت برادری کے مقبول رہنما
کرناٹک میں لنگایت کا سیاسی اثر و رسوخ، جو کہ آبادی کا تقریباً 17 فیصد ہے، کافی ہے۔ اسمبلی کے لحاظ سے تقریباً 30 فیصد سیٹوں پر ان کا اثر ہے۔
