جموں: گزشتہ 24 گھنٹوں کے دوران جموں صوبے میں ڈینگو سے مزید 14 افراد متاثر ہوئے ہیں جن میں 3 بچے بھی شامل ہیں۔ ایسے میں اب متاثرین کی مجموعی تعداد 8192 جا پہنچی ہے جبکہ ڈینگو سے اب تک 18 افراد کی موت واقع ہو چکی ہے۔ صوبے کے نوڈل افسر کے مطابق گزشتہ 24 گھنٹوں کے دوران 107 ٹیسٹ کئے گئے جن میں 3 کم عمر بچوں سمیت 14 افراد میں ڈینگو کی تصدیق ہوئی ہے۔ Dengue in Jammu and Kashmir
اعداد و شمار کے مطابق 11 متاثرین میں سب سے زیادہ 8 کا تعلق ضلع جموں سے ہے،4 سانبہ اور2 ادھمپور اور ایک کا تعلق کٹھوعہ ضلع سے ہے۔ تاہم کشمیر صوبے سے تعلق رکھنے والے کسی بھی شخص میں ڈینگو کی تصدیق نہیں ہوئی ہے۔Dengue Cases Jammu and Kashmir
وہیں دوسری جانب جموں وکشمیر کے 19 اضلاع سے کرونا وائرس سے متاثر کسی بھی معاملے کی تصدیق نہیں ہوئی ہے۔ جبکہ ایک ضلع میں ایک شخص کو مثبت پایا گیا ہے۔ ایسے میں یوٹی میں کرونا متاثرین کی مجموعی تعداد 4لاکھ 79 ہزار 377ہوگئی ہے جبکہ متوفین کی مجموعی تعداد4 ہزار 7سو 85 ہے۔
مزید پڑھیں: JK dengue Cases: ڈینگی متاثرین کی تعداد آٹھ ہزار سے تجاوز
