جنوبی کشمیر کے ضلع شوپیان کے ٹکرو علاقے میں گزشتہ رات تیز رفتار تویرا گاڑی نے ایک موٹر سائیکل سوار کو ٹکر ماردی۔ اس حادثے میں موٹر سائیکل سوار کی موت ہوگئی۔
مقامی لوگوں کے مطابق ٹکرو علاقے میں شوپیان - پلوامہ روڈ پر ایک نوجوان جو محکمہ جموں و کشمیر پولیس میں کام کرہا تھا اپنی موٹر سائیکل سے اپنے گھر کی طرف واپس لوٹ رہا تھا کہ ٹکرو علاقے میں اسکول کے سامنے ایک تویرا گاڑی نے اسے ٹکر ماردی جسکی وجہ سے موقع پر ہی اس کی موت ہوگئی۔
انہوں نے کہا کہ بعد میں ہلاک شدہ نوجوان کی شناخت سکندر مجید نجار ولد عبد المجید نجار ساکنہ بنارو پلوامہ کے بطور ہوئی ہے۔
اس معاملے میں شوپیان پولیس نے کیس درج کرکے تحقیقات شروع کردی ہے۔
