Blood Donation camp on Muharram: گاندربل میں نوجوانوں کی طرف سے بلڈ ڈونیشن کیمپ

گاندربل: جموں و کشمیر کے ضلع گاندربل کے شیعہ آبادی والے علاقے ڈب میں شیعہ نوجوانوں کی طرف سے بلڈ ڈونیشن کیمپ کا انعقاد کیا گیا ہے۔ اس دوران محکمہ صحت گاندربل کے سینئر افسران خاص کر خاتون چیف میڈیکل آفیسر خود کیمپ کے دوران موجود رہی اور انہوں نے اس کیمپ کی خود نگرانی کی ۔ Blood Donation camp on Muharram

میڈیا سے بات کرتے ہوئے انہوں نے کہا کہ آج تک تاریخ میں اس علاقے میں محکمہ صحت کی طرف سے 'محرم الحرام کے سلسلے میں اس طرح کے انتظامات کبھی نہیں کئے گئے تھے، جو آج ہم نے یہاں پر کئے ہیں۔' انہوں نے کہا کہ ہر ایک سہولیات محکمہ صحت کی طرف سے یہاں پر محرم الحرام کے سلسلے میں رکھے گئے ہیں۔ اس دوران شیعہ فرقے سے تعلق رکھنے والے افراد نے بتایا کہ اگرچہ ہر سال اس کیمپ کا انعقاد کیا جاتا ہے تاہم اس بار خون کا عطیہ کیمپ میں سینکڑوں پوائنٹ خون جمع کرکے ان غریبوں کے لئے مختلف اسپتالوں میں رکھا ہے جنہیں خون کی اشد ضرورت ہوتی ہے۔ Blood donation camp organized by youth

انہوں نے کہا ہے کہ ایک تو خون کا عطیہ کرنے سے صحت بھی ٹھیک رہتی ہے جبکہ آج اس کی کچھ اور ہی یادیں ہمیں ہمارے دلوں میں پیدا کرتی ہیں۔ انہوں نے کہا کہ جس طرح سے حضرت امام حسین علیہ السلام نے اسلام کی سربلندی کے لئے اپنا تن من پیش کیا ہے۔ انہوں نے لوگوں سے اپیل کی کہ وہ بھی اسلام کی سربلندی کے لئے حضرت حسین کے نقش قدم پر قائم رہیں تاکہ اسلام کے دشمنوں کو ہر وقت رسوا کیا جا سکے۔

واضح رہے ضلع گاندربل میں تعینات ڈی ایس پی غلام حسن نے بھی خون کے عطیہ دیا اور مقامی لوگوں سے بات کرتے ہوئے کہا کہ پولیس ہر وقت لوگوں کے ساتھ ہے۔