عالمی وبا کووڈ-19 کی روک تھام کے لیے چلائی جانے والی مہم میں 21 ستمبر کو ملک میں مجموعی طور پر ساڑھے چھ کروڑ سے زائد کورونا ٹسٹ کیے جاچکے ہیں۔
بھارتی کونسل آف میڈیکل ریسرچ (آئی سی ایم آر) کی جانب سے منگل کو جاری اعداد و شمار کے مطابق 21 ستمبر کو ملک میں کورونا وائرس کے نو لاکھ 33 ہزار 185 نمونوں کا ٹیسٹ کیا گیا۔
وہیں 21 ستمبر تک ملک میں کورونا کے نمونوں کی جانچ کی مجموعی تعداد چھ کروڑ 53 لاکھ 25 ہزار 779 تک پہنچ گئی ہے۔
واضح رہے کہ 20 ستمبر کو ایک دن میں ریکارڈ 12 لاکھ چھ ہزار 806 نمونوں کی جانچ کی گئی تھی، تاہم ملک میں کورونا وائرس کا پہلا کیس 30 جنوری کو سامنے آیا تھا۔
واضح رہے کہ چھ اپریل تک ٹیسٹ کی تعداد 10 ہزار تھی، اس کے بعد جیسے ہی وائرس کے کیسز میں اضافہ ہوا، نمونوں کی جانچ میں بھی تیزی آئی۔
یاد رہے کہ سات جولائی کو نمونوں کی جانچ کی تعداد ایک کروڑ کو چھونے لگی اور اس کے بعد اس میں تیزی سے اضافہ ہوا اور 17 ستمبر کو یہ چھ کروڑ تک پہنچ گئی۔
اس سے قبل ملک میں تین ستمبر کو آنے والے اعداد و شمار میں ریکارڈ 11 لاکھ 72 ہزار 179 نمونوں کی جانچ کی گئی تھی۔
واضح رہے کہ یہ نہ صرف ملک بلکہ دنیا میں ایک ہی دن میں ہونے والی سب سے زیادہ جانچ کا ریکارڈ تھی۔
