بھارت میں کورونا وائرس کی دوسری کے دوران جس طرح کے حالات تھے وہ سب کے سامنے تھے ملک میں طبی سہولیات کا فقدان دیکھنے کو ملا ہسپتالوں کے باہر مریضوں کی قطاریں دیکھنے کو ملی اور آکسیجن سلینڈر کو حاصل کرنے کی جدوجہد بھی کسی سے چھپی نہیں ہے۔
اس کے مدنظر دارالحکومت دہلی کے سیتا رام بازار سے کونسلر سیما طاہرہ نے اپنا سارا بجٹ ایک مکمل طور پر ختم ہو چکی دسپینسری کو پھر سے شروع کرنے میں لگا دی۔ ان کا کہنا ہے کہ موجودہ حالات میں سب سے ضروری صحت ہے باقی کام بعد میں بھی ہو سکتے ہیں لیکن اگر کورونا کی تیسری لہر آگئی اور ہم نے تیاری نہیں کی تو اس کا بہت بھاری نقصان اٹھانا پڑ سکتا ہے۔
انہوں نے مزید کہا کہ یہاں خواتین کے لیے تمام تر سہولیات مہیا کرائی جائیں گی تاکہ انہیں کہیں اور نہ جانا پڑے۔
مزید پڑھیں: دہلی میں 24 گھنٹے میں کورونا سے ایک بھی موت نہیں ہوئی
سابق کونسلر محمود ضیاء نے بتایا کہ سیما طاہرہ کافی وقت سے اس دسپینسری کو فعال کرنے کی جدوجہد کر رہی تھی لیکن فنڈ نہ ہونے کی وجہ سے یہ کام مکمل نہیں ہو پا رہا تھا تبھی سیما طاہرہ نے اپنا سارا خرچ روک کر اس دسپینسری پر کام کرنے کا ارادہ کیا جس کے بعد یہ ممکن ہو سکا۔
