شمالی کشمیر کے ضلع بانڈی پورہ میں بکتور اور کنزل ون کے باشندے کافی عرصے سے سردیوں کے ایام میں وادی گریز کے لیے بانڈی پورہ سے فضائی سروس شروع کرنے کا مطالبہ کر رہے ہیں۔ جس کے بعد ہفتہ کو سرحدی علاقے کے لئے فضائی سروس شروع کرنے کے لئے اِز مرگ ہیلی پیڈ پر آزمائشی پرواز چلائی گئی۔
بانڈی پورہ: فضائی سروس کے لئے ٹرائلز کا انعقاد
علاقے کے لئے فضائی سروس شروع ہونے پر لوگوں نے ضلع انتظامیہ کی کاوشوں کی سراہنا کرتے ہوئے فضائی سروس سے لوگوں کو راحت ملنے کی امید جتائی۔
دریں اثنا آزمائشی پروازوں کے ذریعے ہفتہ کو گریز اور تُلیل کے نو منتخب ڈی ڈی سی ممبران بھی از مرگ پہنچ گئے جس دوران ان کے حامیوں نے ان کا اسقبال کیا۔
واضح رہے کہ وادی گریز کا بھاری برف باری کے سبب پوری دنیا سے چھ ماہ کے لیے زمینی رابطہ منقطع رہتا ہے جس کی وجہ سے مقامی لوگوں کو کافی مشکلات کا سامنا کرنا پڑتا ہے۔
