نیرج چوپڑا کے ذریعہ جیولن تھرو کے مقابلے میں گزشتہ سات اگست کو ٹوکیو اولمپک میں طلائی تمغہ جیتنے کے اعزاز میں اب سے ہر سال 07 اگست کو انڈیا ایتھلیٹ فیڈریشن (اے ایف آئی) اس دن کو نیشنل جیولن ڈے کے طور پر منائے گا۔
نیرج نے اس دن ٹوکیو میں 87.58 میٹر تک جیولن تھرو کے مقابلے میں کھیلوں کی تاریخ میں اولمپک میں ایتھلیٹ میں اپنا پہلا طلائی تمغہ جیتا۔
اے ایف آئی کی پلاننگ کمیٹی کے صدر ڈاکٹر للت بھنوٹ نے منگل کے روز یہاں نیرج چوپڑا کے لئے منعقدہ اعزازی تقریب میں کہا کہ 'ہم اب سے ہر سال سات اگست کو نیشنل جیولن ڈے کے طور پر منائیں گے۔ اب سے ایک سال بعد ہماری چھ سو سے زیادہ ضلع یونٹز سات اگست کو جیولن تھرو مقابلوں کا انعقاد کرائیں گی۔'
یہ بھی پڑھیں: اولمپک سے لوٹے ہیروز کا والہانہ استقبال
واضح رہے کہ جویلن تھرو پلیئر نیرج چوپڑا نے 120 برسوں میں ایتھلیٹکس میں بھارت کو پہلا اولمپک طلائی تمغہ دلا کر تاریخ رقم کی۔ آزاد بھارت کے لیے یہ پہلا ایتھلیٹکس گولڈ میڈل ہے۔
