سی اے ایس نے واضح کیا ہے کہ روسی کھلاڑی غیر جانبدار جھنڈوں کے نیچے ٹوکیو اولمپکس میں حصہ لے سکتے ہیں۔ تاہم انہیں اپنے ملک کی علامت یا روس کی قومی فیڈریشنوں کی علامت استعمال کرنے کی اجازت نہیں ہے۔
سی اے ایس نے اپنے حکم میں واضح کردیا ہے کہ دو سال تک اولمپک، پیرا اولمپک (موسم سرما اور سمر گیمز) کے تسلیم شدہ ممبر کے زیر اہتمام منعقد عالمی چیمپیئن شپ میں روس کا جھنڈا (موجودہ اور تاریخی) لہراتا ہوا نہیں دیکھا جائے گا۔
علاوہ ازیں روس پر ان دو سالوں کے دوران کسی بھی سطح کی عالمی چمپیئن شپ کی میزبانی کرنے پر بھی پابندی عائد ہے۔ تاہم روسی کھلاڑی ٹوکیو اولمپکس میں غیر جانبدار جھنڈوں کے نیچے حصہ لے سکتے ہیں۔ انہیں اپنے ملک کا نام، علامت یا روس کی قومی فیڈریشن کی علامت استعمال کرنے کی اجازت نہیں ہے۔ اس حکم کا مطلب ہے کہ روسی اینٹی ڈوپی ایجنسی (روسڈا) پر بھی پابندی ہوگی۔
تین ججوں پر مشتمل بینچ روس کے خلاف واڈا کے الزامات سے بڑے پیمانے پر مطمئن نظر آیا، لیکن یہ واضح نہیں ہوسکا کہ اس نے واڈا کی جانب سے چار سالہ پابندی پر نرم رخ اپناتے ہوئے دو سال میں کیوں تبدیل کردیا۔
سی اے ایس نے اپنے حکم میں یہ بھی کہا ہے کہ 'جن پیمانوں پر پینل نے پابندی عائد کرنے کا فیصلہ کیا ہے۔ وہ اتنے وسیع نہیں ہیں جتنے واڈا نے بیان کیا ہے۔ تاہم، یہ روسڈا کی خلاف ورزی کا جواز نہیں پیش کرتا ہے۔'
