ہندوستانی خواتین کرکٹ ٹیم نے سیمی فائنل میں رسائی حاصل کر لی ہے۔ اس سے قبل آسٹریلیا، انگلینڈ اور نیوزی لینڈ کی ٹیمیں سیمی فائنل میں پہنچ چکی ہیں۔ ہندوستانی ٹیم کو پہلے میچ میں آسٹریلیا نے 3 وکٹوں سے شکست دی تھی۔ لیکن ٹیم نے دوسرے میچ میں پاکستان کو 8 وکٹوں سے شکست دے کر شاندار واپسی کی۔ جمائما روڈریگز نے بارباڈوس کے خلاف ناقابل شکست 56 رنز بنائے۔ بھارت کے 4 وکٹوں پر 162 رنز کے جواب میں بارباڈوس کی ٹیم 8 وکٹوں پر 62 رنز ہی بنا سکی۔
میچ میں بارباڈوس نے ٹاس جیت کر بالنگ کا فیصلہ کیا۔ اسمرتی مندھانا دوسرے اوور میں 5 رنز بنانے کے بعد آؤٹ ہو گئیں۔ اس کے بعد شیفالی ورما اور جمائما نے ٹیم کو سنبھالا۔ 6 اوورز کے بعد سکور ایک وکٹ پر 50 تھا۔ اس دوران شیفالی ورما 26 گیندوں پر 43 رنز بنانے کے بعد رن آؤٹ ہو گئیں۔ انہوں نے 7 چوکے اور ایک چھکا لگایا۔ کپتان ہرمن پریت کور صفر رنز بنانے کے بعد آؤٹ ہو گئیں۔ جس کی وجہ سے ٹیم مشکل میں پڑ گئی۔
تانیہ بھاٹیہ 6 رنز بنانے کے بعد آؤٹ ہو گئیں۔ اس دوران جمائما روڈریگز نے 44 گیندوں پر اپنی نصف سنچری مکمل کی۔انہوں نے 5 چوکے اور ایک چھکا لگایا۔ وہ 56 رنز بنا کر ناٹ آؤٹ رہیں۔ بھارتی ٹیم نے مقررہ 20 اوورز میں 4 وکٹوں پر 162 رنز بنائے۔ دیپتی شرما بھی 28 گیندوں پر 34 رنز بنا کر ناٹ آؤٹ رہیں۔ ٹیم انڈیا کی جانب سے رینوکا سنگھ نے چار وکٹ حاصل کئے۔
