یہ حادثہ ادھم پور شہر سے 8 کلومیٹر دور ڈببر کے علاقے میں پیش آیا۔
یہ حادثہ ایک منی بس میں ہوا، جس کا رجسٹرڈ نمبر جے کے 14 8137 ہے، وہ کھائی گر کر تباہ ہوگئی۔
اس منی بس میں تقریباً 14 سے 15 مسافر سوار تھے۔
ذرائع کے مطابق بس بے قابو ہوکر گہری کھائی میں جا گری، تاہم ڈرائیور جان بچاکر فرار ہونے میں کامیاب گیا۔
اس سڑک حادثے میں دو خواتین موقع پر ہی ہلاک ہوگئیں، جب کہ 5 افراد شدید طور پر زخمی ہوگئے۔
حادثے کی اطلاع ملتے ہی قریبی لوگوں نے حادثے کی جگہ سے زخمیوں کو نکال لیا اور انہیں ضلعی ہسپتال ادھم پور میں داخل کرایا ۔
ہلاک ہونے والی خواتین کی شناخت آشا دیوی اور گیتا دیوی کے طور پر ہوئی ہے۔
مزید پڑھیں:ڈوڈہ: انڈین یوتھ کانگریس کی کال فار یوتھ ان پالیٹکس مہم کا آغاز
دونوں کی لاشوں کو پوسٹ مارٹم کے لئے ادھم پور ضلع ہسپتال بھیج دیا گیا ہے۔
زخمیوں کے نام اس طرح ہیں۔
- موہن لال ولد شنکر داس
- سشما دیوی اہلیہ سنجے کمار
- مانو ولد سنجے
- مانوی بنت سنجے
پولیس نے اس معاملہ پر مقدمہ درج کارروائی شروع کر دی ہے، فرار ڈرائیور کا ابھی تک پتہ نہیں چل سکا ہے۔