شدید معاشی بحران کا سامنا کرنے والے سری لنکا میں سرکاری ملازمین کو اب ہفتے میں صرف چار دن کام کرنا ہوگا اور باقی تین دن کھیتی باڑی کرنی ہوگی۔ کابینہ نے پیر کو اعلان کیا کہ سرکاری ملازمین کے لیے جمعہ، ہفتہ اور اتوار کی چھٹیاں ہوں گی۔Sri Lankan Govt Decides to Work 4 days a Week
کابینہ کی جانب سے جاری بیان میں کہا گیا ہے کہ تعلیم اور صحت جیسی ضروری خدمات کے علاوہ جمعہ کو عام تعطیل ہوگی۔ بیان میں کہا گیا ہے کہ 'تین غیر کام کے دنوں کے دوران سرکاری شعبہ کے ملازمین کو ملک میں (خوراک) کی پیداوار بڑھانے کے لیے زرعی کا کام کرنے کی ترغیب دی جائے گی۔'
دوسری جانب ڈیلی مرر نے منگل کو اپنی رپورٹ میں بتایا ہے کہ کابینہ نے یہ فیصلہ بھی کیا ہے کہ جو سرکاری ملازمین کام کے لیے بیرون ملک جانے کے خواہشمند ہیں انہیں پانچ سال کی بغیر تنخواہ کی چھٹی دی جائے گی۔ ڈیلی مرر کی رپورٹ کے مطابق بیرون ملک کام کے لیے جانے والے سرکاری ملازمین کی واپسی پر انہیں ترقی یا ریٹائرمنٹ کے فوائد ملیں گے۔ واضح رہے کہ سری لنکا، جو 1948 میں برطانیہ سے آزادی کے بعد سب سے شدید اقتصادی بحران کا شکار ہے، خوراک، ایندھن اور ادویات کی بڑے پیمانے پر قلت کا سامنا کر رہا ہے۔
یہ بھی پڑھیں: Sri Lanka Crisis: مغربی ملکوں کی پابندیوں کے باوجود سری لنکا روس سے تیل خرید سکتا ہے
یو این آئی
