ممبئی: بالی ووڈ کے 'بادشاہ' شاہ رخ خان کی بلاک بسٹر فلم 'پٹھان' نے فلم انڈسٹری میں ہلچل مچا دی ہے۔ فلم نے 21 دنوں میں دنیا بھر میں 960 کروڑ روپے کا ہندسہ عبور کر لیا ہے۔ کبھی فلم کی رفتار کم ہوجاتی ہے اور کبھی باکس آفس پر دھوم مچاتی ہے۔ فلم نے بھارتی باکس آفس پر 500 کروڑ روپے سے زیادہ کا کاروبار کیا ہے۔ اب شاہ رخ خان کے مداحوں کے لیے خوشخبری ہے جنہوں نے ابھی تک 'پٹھان' سینما گھروں میں نہیں دیکھی اور جو لوگ اس فلم کو دوبارہ صرف سینما گھروں میں دیکھنا چاہتے ہیں تو یہ خبر ان کے لیے بہت کام کی ہے۔ آپ کو بتادیں کہ فلم میکرز نے فلم کے ٹکٹ کی قیمت نصف سے بھی کم کردی ہے۔
- " class="align-text-top noRightClick twitterSection" data="
">
فلم میکرز نے ایک پوسٹ شیئر کرکے ناظرین کو ایک بڑی خوشخبری سنائی ہے۔ یش راج بینر نے اپنے آفیشل انسٹاگرام اکاؤنٹ پر ایک پوسٹ شیئر کرتے ہوئے لکھا کہ 'پٹھان ڈے انکمنگ، پٹھان نے نیشنل باکس آفس پر 500 کروڑ روپے کا ہندسہ عبور کر لیا ہے۔ آئیے اس جمعہ کو پی وی آر، آئنوکس، سینپولس اور دیگر سنیما گھروں میں صرف 110 روپے میں پٹھان کے لیے ٹکٹ خریدیں۔ آپ کو بتا دیں کہ فلم 'پٹھان' 25 جنوری کو ریلیز ہوئی تھی اور اب 16 فروری کو فلم ریلیز کے 23ویں دن میں داخل ہوچکی ہے۔ فلم نے عالمی باکس آفس پر 663 کروڑ اور گھریلو باکس آفس پر 500 کروڑ کا ہندسہ عبور کر لیا ہے۔ فلم 'پٹھان' نے کمائی کے کئی ریکارڈ توڑ دیے اور کئی ریکارڈ بنائے۔
شاہ رخ خان، جان ابراہم اور دیپیکا پڈوکون کی فلم 'پٹھان' ایکشن سے بھرپور فلم ہے۔ 'پٹھان' شاہ رخ خان کے تیس سالہ فلمی کیریئر کی پہلی ایکشن فلم ہے، جو بلاک بسٹر ثابت ہوئی ہے۔ اب شاہ رخ خان اپنی آنے والی فلم 'جوان' سے دھوم مچانے کے لیے تیار ہیں۔
