نئی دہلی: عالمی منڈی میں تقریباً دو ہفتوں سے خام تیل کی قیمتوں میں کمی کے باوجود بدھ کو گھریلو سطح پر پٹرول اور ڈیزل کی قیمتیں مستحکم رہیں۔ خام تیل کی قیمتیں گزشتہ آٹھ ماہ کی کم ترین سطح پر ہیں۔ بین الاقوامی سطح پر خام تیل کی قیمت 85 ڈالر فی بیرل سے نیچے آگئی ہے۔ لندن برینٹ کروڈ آج 1.50 فیصد گر کر 84.98 ڈالر فی بیرل اور یو ایس کروڈ بھی 1.48 فیصد کم ہوکر 77.34 ڈالر فی بیرل پر آگیا ہے۔
گھریلو تیل مارکیٹنگ کمپنی بھارت پیٹرولیم کے مطابق آج بھی پیٹرول اور ڈیزل کی قیمتوں میں کوئی تبدیلی نہیں ہوئی ۔ دہلی میں پٹرول 96.72 روپے فی لیٹر اور ڈیزل 89.62 روپے فی لیٹر پر مستحکم ہے۔ ملک میں گزشتہ چار ماہ سے ایندھن کی قیمتوں میں کوئی تبدیلی نہیں ہوئی ہے۔ ممبئی میں پٹرول کی قیمت 106.31 روپے فی لیٹر اور ڈیزل کی قیمت 94.27 روپے فی لیٹر ہے۔ Petrol Diesel Prices in India
یہ بھی پڑھیں: Spike in oil price is breaking India's back تیل کی قیمتوں میں اضافہ بھارت کی کمر توڑ رہا ہے: جے شنکر
پیٹرول اور ڈیزل کی قیمتیں ویلیو ایڈڈ ٹیکس (ویٹ) اور فریٹ چارجز کی بنیاد پر ریاستوں میں مختلف ہوتی ہیں۔ پٹرول اور ڈیزل کی قیمتوں کا یومیہ جائزہ لیا جاتا ہے۔
آج ملک کے چار بڑے شہروں میں پٹرول اور ڈیزل کی قیمتیں درج ذیل ہیں:-
| شہر | پیٹرول | ڈیزل |
| دہلی | 96.72 روپے فی لیٹر | 89.62روپے فی لیٹر |
| ممبئی | 106.31 روپے فی لیٹر | 94.27روپے فی لیٹر |
| کولکتہ | 106.03روپے فی لیٹر | 92.76روپے فی لیٹر |
| چنئی | 102.63روپے فی لیٹر | 94.24روپے فی لیٹر |
یو این آئی
