فیڈریشن آف آٹوموبائل ڈیلرز (ایف اے ڈی اے) کی جانب سے پیر کے روز جاری کردہ اعداد و شمار کے مطابق جنوری 2022 میں کل 1439747 گاڑیاں فروخت ہوئیں جو کہ جنوری 2021 کے 16,12130 یونٹس سے 10.7 فیصد کم ہیں Retail Auto Sales Fall 10.7% in January۔ اس عرصے کے دوران مسافر گاڑیوں کی فروخت 287424 سے 10.12 فیصد کم ہوکر 258329 یونٹس رہی۔ Vehicle Retail Sales Decreased
دو پہیہ گاڑیوں کی فروخت 13.44 فیصد کم ہو کر 1017785 یونٹ رہ گئی جو کہ زیر جائزہ مدت کے دوران 1175,832 یونٹس تھی۔ اس کے ساتھ ہی تھری وہیلر کی فروخت میں 29.80 فیصد کا اضافہ ہوا اور یہ 31162 یونٹس سے بڑھ کر 40449 یونٹس تک پہنچ گئی۔ اسی طرح کمرشل گاڑیوں کی فروخت بھی 56227 سے 20.52 فیصد بڑھ کر 67763 یونٹس ہوگئی۔
اس عرصے کے دوران ہلکی کمرشل وہیکل (ایل سی وی) کی فروخت 34640 سے بڑھ کر 40343، میڈیم کمرشل وہیکل (ایم سی وی) 3495 سے بڑھ کر 4093 اور ہیوی کمرشل وہیکل (ایچ سی وی) کی فروخت 14370 سے بڑھ کر 20279 یونٹس ہوگئی۔ تاہم ٹریکٹرز کی فروخت 9.86 فیصد کم ہو کر 61485 یونٹس سے 55421 یونٹ رہ گئی۔ اسی طرح دیگر گاڑیوں کی فروخت بھی 3722 سے کم ہو کر 3048 یونٹس رہ گئی۔
فاڈا کے صدر ونکیش گلاٹی نے بتایاکہ "رواں برس جنوری میں گاڑیوں کی فروخت کی کارکردگی کمزور رہی کیونکہ مجموعی طور پر خوردہ فروخت میں سال بہ سال کی بنیاد پر 10.7 فیصد کی کمی واقع ہوئی۔ جنوری 2020 میں گاڑیوں کی خوردہ فروخت کے مقابلے میں 18.4 فیصد کی کمی یہ ظاہر کرتی ہے کہ بھارت اب تک کووڈ کے اثرات سے باہر نہیں نکلا ہے۔ اچھی مانگ کے باوجود مسافر گاڑی کو سیمی کنڈکٹرز کی کمی کا سامنا ہے۔ سیمی کنڈکٹر کی کمی کی وجہ سے انوینٹری صفر پر آ گئی ہے۔ قیمتوں میں اضافے کے ساتھ دیہی پریشانی اور اومیکرون لہر نے 2 پہیوں والے طبقے کے لیے ایک ولن کا کردار ادا کیا۔
انہوں نے بتایا کہ تجارتی گاڑیوں کا طبقہ، خاص طور پرایچ سی وی طبقہ معیشت کے دوبارہ پٹری پر آنے کے ساتھ سال بہ سال ترقی کرتا رہا۔ مرکزی اور ریاستی حکومتوں کی طرف سے بنیادی ڈھانچے کے اخراجات میں اضافہ کے ساتھ مجموعی طور پر ایچ سی وی زمرہ میں تیزی آتی جا رہی ہے۔ ہمارے اندرونی سروے میں 55 فیصد ڈیلرز نے بتایا کہ اومیکرون لہر کی وجہ سے انہوں نے 10 فیصد سے زیادہ فروخت کھو دی ہے۔
مزید پڑھیں:
یو این آئی
