ریاست اترپردیش کے ضلع مظفرنگر کے گاؤں پھولت کے رہائشی مولانا کلیم صدیقی کی گرفتاری سے ناراض آل انڈیا مجلس اتحاد المسلمین کے کارکنان اور عہدے داروں نے جمعہ کی دیر شام ایک میٹنگ کی اور مولانا کی گرفتاری پر بھارتیہ جنتا پارٹی کو سخت تنقید کا نشانہ بنایا۔
ایم آئی ایم نے کہا کہ بی جے پی صرف مسلمانوں کو نشانہ بنا رہی ہے یہ ان کا کام ہے لیکن اب ہم مزید مظالم برداشت نہیں کریں گے، ضرورت پڑی تو ہم احتجاجی مظاہرہ کریں گے اور ان کا مقابلہ کریں گے۔
مزید پڑھیں:۔ مولانا کلیم صدیقی کی گرفتاری تمام انصاف پسند شہریوں کیلئے باعث تشویش
آپ کو بتا دیں کی منگل کی دیر شام مولانا کلیم صدیقی کی گرفتاری سے ناراض مظفر نگر کے علاقے مدینہ چوک کے قریب جمعہ کی شام ال انڈیا مجلس اتحاد المسلمین کے کارکنان اور عہدے داروں نے ایک میٹنگ کا اہتمام کیا۔
اس میٹنگ میں آل انڈیا مجلس اتحاد المسلمین کے عہدیداروں نے سخت الفاظ میں مذمت کرتے ہوئے کہا کہ مولانا کلیم صدیقی ایک اعلی شخصیت ہیں ہے وہ ایک شریف اور نیک انسان ہیں، اس طرح ان کو گرفتار کرنا انتہائی شرمناک ہے۔ ان کی گرفتاری سے ملک کا ماحول خراب ہوگا اور انتشار پیدا ہوگا۔ بی جے پی کے لوگ صرف مسلمانوں کو ہی نشانہ بنا رہے ہیں لیکن اب ہم مزید مظالم برداشت نہیں کریں گے۔ اگر ضرورت پڑی تو ہم احتجاجی مظاہرہ کریں گے اور ان کا مقابلہ کریں گے۔
