حیدرآباد: آئی پی ایل 2024 میں سی ایس کے کا سفر ختم ہو گیا ہے۔ ہفتہ کی رات دیر گئے رائل چیلنجرز بنگلور نے آخری اوور میں چنئی کو شکست دے کر چھٹا آئی پی ایل ٹائٹل جیتنے کا خواب توڑ دیا۔ پانچ بار کے چیمپئن سی ایس کے پر آر سی بی کی 27 رنز کی جیت کے بعد وکٹ کیپر بلے باز دنیش کارتک نے انکشاف کیا کہ کس طرح ایم ایس دھونی کے چھکے آر سی بی کی جیت میں کلیدی کردار ادا کیا۔
فاف ڈو پلیسس کی ٹیم کے لیے پلے آف میں پہنچنا ایک خواب کی تکمیل کے مترادف ہے کیونکہ سیزن میں اس ٹیم کی حالت دیکھ کر شاید ہی کسی نے سوچا ہو گا کہ یہ ٹیم ٹاپ 4 تک بھی پہنچ سکتی ہے۔
سیزن کے پہلے ہاف کے دوران پوائنٹس ٹیبل پر سب سے نیچے رہنے والی ٹیم نے دوسرے ہاف میں بلے، گیند اور میدان میں زبردست مظاہرہ کیا اور لگاتار چھ میچ جیت کر پلے آف کے لیے کوالیفائی کرلیا۔ پلے آف میں جگہ بنانے کے لیے سی ایس کے کو آخری اوور میں 17 رنز درکار تھے اور ایم ایس دھونی اسٹرائیک پر تھے جن سے تمام گیند باز ڈرتے ہیں۔
آر سی بی نے یش دیال پر اعتماد ظاہر کیا۔ تاہم ماہی نے پہلی ہی گیند پر 110 میٹر لمبا چھکا بھی لگا دیا۔ یہ چھکا نہ صرف باؤنڈری پار کر گیا بلکہ اسٹیڈیئم کے باہر چلا گیا۔ یہ وہ لمحہ تھا جس نے میچ کا رخ موڑ دیا۔ کارتک کے مطابق گیند کھو جانے اور گیند بازوں کو نئی گیندیں دینے سے ٹیم کو میچ جیتنے میں مدد ملی۔
میچ کے بعد دنیش کارتک نے کہا، 'آر سی بی کے لیے سب سے اچھی بات یہ تھی کہ ایم ایس دھونی نے آخری اوور میں گراؤنڈ کے باہر چھکا مار دیا۔ اس کی وجہ سے ہمیں نئی گیند ملی اور پھر بولنگ کرنا آسان ہوگیا۔گیند کو تبدیل کرنے کے بعد دھونی اگلی ہی گیند پر آؤٹ ہو گئے۔ جس کی وجہ سے میچ مکمل طور پر آر سی بی کے پلڑے میں چلاگیا۔
