سرینگر: نظر بندی سے رہائی کے بعد میر واعظِ کشمیر محمد عمر فاروق نے چار برس کے بعد آج پہلی بار سرینگر کی تاریخی جامع مسجد میں جمعہ کا خطبہ دیا۔ اس موقعے پر انتہائی جذباتی ماحول نظر آیا۔ نمازیوں سے کھچا کھچ بھری مسجد میں جب میر واعظ نے قدم رکھا تو لوگ اپنے جذبات قابو میں نہ رکھ سکے۔ خود میر واعظ عمر فاروق بھی منبر پر چڑھتے ہی رو پڑے۔
اس سے قبل مرکز کے زیر انتظام یوٹی جموں و کشمیر کے دارالحکومت سرینگر میں واقع انجمن اوقاف جامع مسجد نے ایک بیان جاری کر کے جانکاری دی ہے کہ انتظامیہ اور پولیس نے جامع مسجد سرینگر کا دورہ کیا اور کہا کہ میر واعظ محمد عمر فاروق کو آج رہا کیا جارہا ہے۔ انہوں نے جامع میں جمعہ کا خطبہ دیا۔ چار برس کی نظر بندی کے بعد جمعہ کی دوپہر 12 بجے میر واعظ کو رہائی کیا گیا جس کے بعد میر واعظ تاریخی جامع مسجد میں آئے اور جمعتہ المبارک کے بڑے اجتماع سے خطاب کیا۔
میر واعظ کشمیر کی نظربندی کے خاتمے کا جموں و کشمیر کے رہنماؤں نے خیر مقدم کیا ہے۔ سابق وزیر اعلیٰ عمر عبد اللہ نے ان کی رہائی کا خیر مقدم کرتے ہوئے کہا کہ امید کرتا ہوں کہ انہیں آزادانہ گھومنے پھرنے، لوگوں سے ملنے جلنے اور مذہبی و سماجی ذمہ داریاں ادا کرنے کی اجازت دی جائے گی۔
-
I welcome the step taken by the administration in J&K to release Mirwaiz Umar Farooq from house arrest. I hope that they allow him to move freely, interact with people & resume his social/religious responsibilities. Today eyes in Kashmir will be on the Mirwaiz as he delivers his…
— Omar Abdullah (@OmarAbdullah) September 22, 2023 " class="align-text-top noRightClick twitterSection" data="
">I welcome the step taken by the administration in J&K to release Mirwaiz Umar Farooq from house arrest. I hope that they allow him to move freely, interact with people & resume his social/religious responsibilities. Today eyes in Kashmir will be on the Mirwaiz as he delivers his…
— Omar Abdullah (@OmarAbdullah) September 22, 2023I welcome the step taken by the administration in J&K to release Mirwaiz Umar Farooq from house arrest. I hope that they allow him to move freely, interact with people & resume his social/religious responsibilities. Today eyes in Kashmir will be on the Mirwaiz as he delivers his…
— Omar Abdullah (@OmarAbdullah) September 22, 2023
وہیں سابق وزیر اعلیٰ اور پی ڈی پی سربراہ محبوبہ مفتی نے اس خبر پر رد عمل دیتے ہوئے کہا کہ برسوں کے بعد میر واعظ عمر فاروق آزاد ہوں گے۔ اسی کے ساتھ انہوں نے لکھا ایکس (سابقہ ٹویٹر) پر لکھا کہ ان کی رہائی کی کریڈٹ کے لیے بی جے پی کی ذیلی تنظیموں میں ہوڑ مچی ہوئی ہے۔
-
Finally Mirwaiz Umer Farooq will walk a free man after years of LGs admin’s denial about his detention. As a religious head he is held in high regard by muslims across J&K. Unfortunate that a tussle has already begun between BJPs various political outfits to claim credit for his…
— Mehbooba Mufti (@MehboobaMufti) September 22, 2023 " class="align-text-top noRightClick twitterSection" data="
">Finally Mirwaiz Umer Farooq will walk a free man after years of LGs admin’s denial about his detention. As a religious head he is held in high regard by muslims across J&K. Unfortunate that a tussle has already begun between BJPs various political outfits to claim credit for his…
— Mehbooba Mufti (@MehboobaMufti) September 22, 2023Finally Mirwaiz Umer Farooq will walk a free man after years of LGs admin’s denial about his detention. As a religious head he is held in high regard by muslims across J&K. Unfortunate that a tussle has already begun between BJPs various political outfits to claim credit for his…
— Mehbooba Mufti (@MehboobaMufti) September 22, 2023
میر واعظ محمد عمر فاروق پانچ اگست 2019 میں دفعہ 370 کی منسوخی سے قبل ہی ان کی رہائش گاہ واقع نگین سرینگر میں نظر بند کیے گئے تھے۔ میر واعظ کی چار سال کی طویل نظر بندی کو آج ہٹایا لیا گیا جس کے بعد وہ مذہبی تقریبات میں شرکت کرنے کے علاوہ آزادنہ طور گھوم پھیر سکتے ہیں۔
انجمن نے الزام لگایا کہ گذشتہ چار سال سے زائد عرصے سے سربراہ انجمن میر واعظ ڈاکٹر مولوی محمد عمر فاروق کو حکام نے غیر قانونی اور غیر اخلاقی طور نظر بند کر رکھا جس کی وجہ سے موصوف مشہور زمانہ ”خوجہ دگر“ اور آج کی مناسبت سے اپنے اکابر میر واعظین کشمیر کے طرز عمل پر وعظ و تبلیغ کی منصبی ذمہ داریاں ادا نہیں کر پا رہے تھے جو حد درجہ افسوسناک اور قابل مذمت ہے۔
یہ بھی پڑھیں: Women Reservation Bill جموں و کشمیر کی سیاسی پارٹیوں نے خواتین ریزرویشن بل کا خیر مقدم کیا
بیان میں کہا گیا کہ میر واعظ کی مسلسل نظر بندی کی وجہ سے عوام میں زبردست مایوسی پائی جا رہی تھی۔ حکمرانوں کے اس طرز عمل کو عوام نے مداخلت فی الدین قرار دیا۔
