پہاڑی ضلع ڈوڈہ کے اولڈ بس اسٹینڈ میں طلبہ نے ’’سوچھ بھارت ابھیان‘‘ کے تحت ایک نُکڑ ناٹک کا اہتمام کیا۔ نُکڑ ناٹک میں مقامی طلبہ سمیت جموں و کشمیر پولیس کے اہلکاروں، صحافیوں، میونسپل کونسل کارکنان کے علاوہ سیول سوسائی ممبران نے بھی شرکت کی۔ Street Play in Doda on Swachh Bharat Missionنُکڑ ناٹک کے ذریعے طلبہ نے لوگوں سے گھروں کے ساتھ ساتھ عوامی و مذہبی مقامات، گلی کوچوں اور شاہراہوں کو صاف ستھرا رکھنے کی تلقین کی۔
میڈیا کے ساتھ بات کرتے ہوئے نُکڑ ناٹک میں شرکت کرنے والے طلبہ نے کہا کہ ’’ناٹک کے انعقاد کا مقصد لوگوں کو صفائی ستھرائی کے حوالے سے آگاہی فراہم کرنا ہے۔‘‘ Street Play on Swachh Bharat Missionانہوں نے مزید کہا کہ ’’عموماً لوگ صرف گھروں کی صفائی ستھرائی پر ہی ساری توجہ مرکوز کرتے ہیں۔ اگر سبھی شہری آس پاس کے ماحول کو صاف ستھرا رہنے کا تہیہ کریں تو نہ صرف ڈوڈہ بلکہ پورا ملک کوڑا کرکٹ اور گندگی سے صاف و پاک ہو جائے گا۔‘‘
