ہریانہ میں مجوزہ کھیلو انڈیا یوتھ گیمز -2021 کا پروگرام کورونا وبا کے مدنظر اب تھوڑا مختصر کردیا گیا ہے۔ یہ کھیل اب صرف دس دن یعنی 21 سے 30 نومبر تک کرائے جائیں گے۔
وزیراعلیٰ منوہر لال کھٹر کی صدارت میں کھیلوں کی تیاریوں کے سلسلے میں ایک جائزہ میٹنگ کے دوران یہ فیصلہ کیا گیا۔
کھیلو انڈیا یوتھ گیمز -2021 کا چوتھا ایڈیشن پنچکولا، امبالا، شاہ آباد، دہلی اور چنڈی گڑھ، ہریانہ میں 21 سے 30 نومبر 2021 تک ہوگا، جن میں 90 فیصد کھیل مقابلے پنچکولہ میں ہوں گے۔
ان کھیلوں کے ساتھ ہی برکس گیمز-2021 والی بال چیمپئن شپ کا انعقاد کیا جائے گا۔ برکس ممالک میں برازیل، روس، ہندوستان، چین اور جنوبی افریقہ شامل ہیں۔
-یواین آئی
