کیاکنگ اور کنوئنگ میں جموں کشمیر کے کھلاڑیوں نے پہلے ہی بہتر مظاہرہ کیا ہے اور ان کھلاڑیوں کو مزید آگے بڑھانے کی غرض سے منسٹری آف یوتھ افیئرس اینڈ اسپورٹس نے فیصلہ کیا ہے کہ ان دونوں کھیلوں کو "کھیلو انڈیا اسٹیٹ سینٹر آف ایکسیلنس'' میں شامل کرنے کا فیصلہ کیا ہے۔
ہم آپ کو بتا دیں کہ جموں و کشمیر اسپورٹس کونسل اور اسٹیٹ گورنمنٹ نے پہلے ہی ان کھیلوں کو کھیلو انڈیا میں شامل کرنے کی اپیل کی تھی۔ یوٹی میں موجود جموں کشمیر واٹر اسپورٹس اکیڈمی میں سہولیات میں بہتری لانے کے بعد اپریل دو ہزار اکیس میں کھیلو انڈیا اسٹیٹ سینٹر آف ایکسیلنس کو لانچ کیا گیا تھا۔ اس سے قبل یہاں صرف روونگ کی تربیت ہی دی جا رہی تھی۔
یونین منسٹر آف یوتھ افیئرس اینڈ اسپورٹس، کرن رجیجو نے فیصلے پر کہا کہ "کیاکنگ اور کنوئنگ میں جموں کشمیر کے کھلاڑیوں نے ورلڈ چیمپئن شپ اور ایشین چیمپئن شپ میں بہترین کارکردگی کا مظاہرہ کیا ہے۔
کھلاڑیوں کی کارکردگی کو دیکھتے ہوئے یہ فیصلہ لیا گیا ہے کہ کھیلو انڈیا اسٹیٹ سینٹر آف ایکسیلنس سرینگر میں ٹریننگ فیسلٹی فراہم کی جائے تاکہ کھلاڑیوں کو ترقی کے مزید مواقع ملیں اور نئے کھلاڑی ابھر کر سامنے آئیں۔"
اب جب یہ فیصلہ لیا گیا ہے تو اسپورٹس اتھارٹی آف انڈیا اور اسپورٹس کونسل آف جموں کشمیر ان کھیلوں کی تریننگ کے لیے ضروری اقدامات کا جائزہ لے گی اور ضروری سامان بھی فراہم کرے گی۔
