خان یونس، غزہ: آئی ڈی ایف کے مطابق منگل کو اسرائیلی افواج نے غزہ کے جنوبی شہر خان یونس کو گھیرے میں لے لیا ہے ہے۔ خان یونس فلسطینی علاقے کا دوسرا بڑا شہری علاقہ ہے۔ خان یونس نے حالیہ دنوں میں شدید لڑائی دیکھی ہے۔ طبی امدادی گروپ فلسطینی ہلال احمر نے خان یونس میں جاری اسرائیلی جارحیت میں درجنوں افراد کے ہلاک ہونے کی اطلاع دی ہے۔ مہلوکین میں بے گھر خواتین اور بچے بھی شامل ہیں۔ حملوں میں کئی گھر اور دیگر عمارتیں بھی تباہ ہو گئی ہیں۔ غزہ میں حماس کی وزارت صحت کے مطابق خان یونس میں جاری اسرائیلی جارحیت میں ہلاک ہونے والوں کی تعداد بڑھ کر 25,490 ہو گئی ہے۔ وزارت صحت کے مطابق اسرائیلی افواج نے گزشتہ 24 گھنٹوں کے دوران 195 فلسطینی جاں بحق ہوئے ہیں جبکہ 354 زخمی ہوئے ہیں۔ وزارت صحت کے مطابق ملبے میں کئی لاشوں کے دبے ہونے کا خدشہ ہے۔
طبی امدادی گروپ فلسطینی ہلال احمر کا کہنا ہے کہ اسرائیلی فورسز نے العمل اسپتال اور ہلال احمر کے ایمبولینس ہیڈ کوارٹر کے آس پاس کے علاقے پر حملہ کیا ہے۔ اقوام متحدہ نے منگل کو کہا کہ فلسطینی ہلال احمر امدادی گروپ کا کہنا ہے کہ غزہ کے شہر خان یونس میں ان کے ایمبولینس ہیڈ کوارٹر کو اسرائیلی فورسز نے گھیرے میں لے لیا ہے اور علاقے میں شدید لڑائی کے دوران ایمبولینسوں کو امداد فراہم کرنے سے روک دیا گیا ہے۔
اقوام متحدہ کے ترجمان اسٹیفن ڈوجارک نے کہا کہ، "اسرائیلی فورسز نے مبینہ طور پر العمل اسپتال اور ایمبولینس ہیڈ کوارٹر کے آس پاس کے علاقوں پر حملہ کیا ہے۔ ڈوجارک کے مطابق، علاقے میں شدید لڑائی جاری تھی، اس لیے پناہ لینے والے مریض اور بے گھر لوگ وہاں سے نہیں نکل سکے۔
شدید حملوں کے چلتے غزہ میں انسانی امداد پہنچانے میں بڑی رکاوٹوں کا سامنا کرنا پڑ رہا ہے۔
اسٹیفن ڈوجارک نے کہا کہ، عالمی ادارہ صحت نے اطلاع دی ہے کہ 7 اکتوبر کو جنوبی اسرائیل میں حماس کے اچانک حملوں کے بعد سے غزہ میں 300 سے زیادہ اور مغربی کنارے میں 330 سے زیادہ حملوں کی تصدیق کے ساتھ صحت کی سہولیات کو نشانہ بنانے کا سلسلہ ہنوز جاری ہے۔ انہوں نے کہا کہ اقوام متحدہ اور اس کے شراکت دار پیر کے روز شمالی غزہ کے الشفا اسپتال کا دورہ کرنے میں کامیاب ہوئے۔ اسپتال کو انتہائی ضروری ایندھن پہنچایا گیا ہے۔ انہوں نے کہا کہ الشفا اسپتال میں خوراک، پانی اور طبی آلات کی کمی ہے۔ ان کے مطابق ابھی بھی الشفا اسپتال میں ہزاروں افراد نے پناہ لی ہے۔
یہ بھی پڑھیں:غزہ میں ایک ہی دن میں 24 فوجیوں کی ہلاکت پر اسرائیل چیخ اٹھا
دریں اثنا، غزہ کے لیے اقوام متحدہ کے انسانی ہمدردی اور تعمیر نو کے سینئر کوآرڈینیٹر سگریڈ کاگ نے منگل کو رفح کا دورہ کیا اور شہریوں اور اقوام متحدہ کی ایجنسیوں اور این جی اوز کے نمائندوں سے ملاقات کی۔
