چوتھے مرحلے میں 62.70 فیصد پولنگ، دیدی کا دعویٰ، انڈیا بلاک 315 سیٹیں جیتنے میں کامیاب ہوگا - Lok Sabha Election 2024

لوک سبھا انتخابات کے چوتھے مرحلے میں ووٹنگ شام 6 بجے ختم ہوگئی، جس میں تقریباً 62.70 فیصد ووٹ ڈالے گئے۔ الیکشن کمیشن کے مطابق مغربی بنگال میں سب سے زیادہ 75.87 فیصد ووٹ ڈالے گئے، اس کے بعد مدھیہ پردیش میں 68.36 فیصد ووٹ ڈالے گئے۔ جبکہ جموں و کشمیر میں سب سے کم 36.01 فیصد پولنگ درج کی گئی۔ توقع ہے کہ الیکشن کمیشن منگل تک حتمی اعداد و شمار جاری کر دے گا۔

اس سے قبل لوک سبھا انتخابات کے پہلے مرحلے میں کل 66.14 فیصد ووٹنگ درج کی گئی تھی جبکہ دوسرے مرحلے میں کل 66.71 فیصد ووٹنگ اور تیسرے مرحلے میں کل 65.68 فیصد پولنگ درج کی گئی تھی۔

لوک سبھا انتخابات سات مرحلوں پر مشتمل ہے۔ چار مرحلے مکمل ہونے کے بعد اب پانچواں مرحلہ 20 مئی کو ہے اور چھٹا مرحلہ، 25 مئی کو جبکہ آخری اور ساتواں مرحلہ، یکم جون ہے۔ لوک سبھا انتخابات 2024 کے نتائج کا اعلان 4 جون کو کیا جائے گا۔

مغربی بنگال: برہام پور سے کانگریس کے رکن پارلیمنٹ اور پارٹی کے امیدوار ادھیر رنجن چودھری نے اپنے حلقے کے ایک پولنگ بوتھ پر اپنا ووٹ کاسٹ کیا۔ ان کے مد مقابل ٹی ایم سی کے امیدوار یوسف پٹھان میدان میں ہیں۔ مغربی بنگال میں شام پانچ بجے تک سب سے زیادہ 75.66فیصد ووٹنگ درج کی گئی ہے۔

مغربی بنگال کی وزیر اعلیٰ ممتا بنرجی نے کہا کہ انڈیا بلاک جاری لوک سبھا انتخابات میں کامیابی حاصل کرے گا، جیسا کہ ان کے حساب کے مطابق اپوزیشن اتحاد 315 سیٹیں جیتنے میں کامیاب ہوگا۔ ممتا نے شمالی 24 پرگنہ ضلع کے بنگاؤں علاقے میں ایک انتخابی ریلی کے دوران کہا کہ مرکز میں انڈیا اتحاد کو اقتدار میں لائیں گے اور ہم یہاں (مغربی بنگال) سے مدد کریں گے۔ انڈیا اتحاد ہم سب (پارٹیوں) کے ساتھ جیتے گا۔ ہمارے پاس کل تک کے حسابات کے مطابق، بی جے پی کو 190سے 195 سیٹیں ملیں گی اور انڈیا اتحاد کو 315 سیٹیں ملیں گی۔

سماج وادی پارٹی کے سربراہ اور قنوج لوک سبھا سے امیدوار اکھلیش یادو نے پیر کو کہا کہ انڈیا بلاک جیت جائے گا، کیونکہ لوگوں نے محسوس کیا کہ بی جے پی ان کو دھوکہ دے رہی ہے، اس لیے لوگ انڈیا بلاک کی حمایت کر رہے ہیں، جو لوگ یہ سمجھتے ہیں کہ وہ دھوکے سے جیت سکتے ہیں، عوام انہیں اپنے ووٹوں سے جواب دیں گے۔

لوک سبھا انتخابات کے چوتھے مرحلے میں شام 5 بجے تک تمام 96 سیٹوں پر تقریباً 62.31 فیصد ووٹنگ درج کی گئی۔ مغربی بنگال میں سب سے زیادہ 75.66% ٹرن آؤٹ ریکارڈ کیا گیا ہے جبکہ جموں و کشمیر میں سب سے کم 35.75% ٹرن آؤٹ ریکارڈ کیا گیا ہے۔

تلنگانہ: اداکار رام چرن اور ان کی اہلیہ اپاسنا کامینی نے جوبلی ہلز کے ایک پولنگ بوتھ پر اپنا ووٹ کاسٹ کیا۔ لوک سبھا انتخابات کے چوتھے مرحلے میں سہ پہر 3 بجے تک تمام 96 سیٹوں پر تقریباً 52.60 فیصد ووٹ ڈالے گئے جبکہ تلنگانہ میں تین بجے تک 52.34 فیصد ووٹنگ درج کی گئی۔

تلنگانہ: اداکار مہیش بابو اپنی اہلیہ نمرتا شروڈکر کے ساتھ حیدرآباد کے جوبلی ہلز پبلک اسکول پولنگ اسٹیشن پر ووٹ ڈالنے پہنچے۔ لوک سبھا انتخابات کے چوتھے مرحلے میں سہ پہر 3 بجے تک تمام 96 سیٹوں پر تقریباً 52.60 فیصد ووٹ ڈالے گئے جبکہ تلنگانہ میں تین بجے تک 52.34 فیصد ووٹنگ درج کی گئی۔

لوک سبھا انتخابات کے چوتھے مرحلے میں سہ پہر 3 بجے تک تمام 96 سیٹوں پر تقریباً 52.60 فیصد ووٹ ڈالے گئے۔ مغربی بنگال میں سب سے زیادہ ٹرن آؤٹ 66.05% ریکارڈ کیا گیا ہے جبکہ جموں و کشمیر میں سب سے کم 29.93% ٹرن آؤٹ ریکارڈ کیا گیا ہے۔

اترپردیش: سماج وادی پارٹی کے سربراہ اور قنوج لوک سبھا سیٹ کے امیدوار اکھلیش یادو کا کہنا ہے کہ "لوگ بڑی تعداد میں ووٹ دیں اور ملک کو بے ایمان لوگوں سے بچائیں۔"

تلنگانہ: حیدرآباد لوک سبھا حلقہ سے بی جے پی امیدوار مادھوی لتھا کا کہنا ہے کہ "90 فیصد بوتھس سے سمجھوتہ کیا گیا ہے جہاں پر پولیس، خواتین کانسٹیبلوں کو ووٹر آئی ڈی کے ساتھ برقعہ پوش خواتین کا چہرہ چیک کرنے کی ہدایت نہیں دینا چاہتی۔ اور جب میں نے پولیس افسر سے اس متعلق پوچھا تو انھوں نے کہا کہ یہ ان کی ذمہ داری نہیں ہے۔ اس سے قبل ملک پیٹ پولیس اسٹیشن نے مسلم خواتین کی ووٹر آئی ڈی اور جبرا چہرا دیکھنے کے الزام میں مادھوی لتھا کے خلاف مقدمہ بھی درج کیا ہے۔

سابق کرکٹر اور بہرام پور لوک سبھا سیٹ سے ٹی ایم سی امیدوار یوسف پٹھان نے پیر کو کہا کہ انہیں اپنی جیت کا پورا یقین ہے۔ انہوں نے کہا کہ مجھے یہ دیکھ کر خوشی ہوئی کہ نوجوان اور خواتین بڑی تعداد میں ووٹ ڈال رہے ہیں۔ حلقے میں خوشگوار ماحول ہے۔ مجھے پورا یقین ہے کہ میں بھاری مارجن سے کامیابی حاصل کروں گا۔ اگر مجھے عوام کے لیے قربانی دینی ہے تو میں اس کے لیے بھی تیار ہوں، میں یہاں عوام کے لیے کام کرنے آیا ہوں، لوگوں نے مجھے بہت سپورٹ کیا ہے کیونکہ وہ یہاں تبدیلی چاہتے ہیں،‘‘

سرینگر جموں و کشمیر: اپنی پارٹی کے صدر الطاف بخاری کا کہنا ہے کہ "خدا کے فضل سے ووٹنگ بغیر کسی رکاوٹ اور جبر کے ہو رہی ہے۔ میرے خیال میں یہ جمہوریت کی پہلی جیت ہے، ہم بھی ووٹ ڈالنے کے لیے نکلے ہیں، کوئی دباؤ نہیں ہے۔ میں ہر کسی سے ووٹ کاسٹ کرنے کی اپیل کرتا ہوں۔

لوک سبھا انتخابات کے چوتھے مرحلے میں دوپہر 1 بجے تک تمام 96 سیٹوں پر تقریباً 40.32 فیصد پولنگ درج کی گئی ہے۔ مغربی بنگال میں سب سے زیادہ 51.87 فیصد ووٹنگ کی شرحدرج کی گئی جبکہ جموں و کشمیر میں سب سے کم 23.57 فیصد پولنگ درج کی گئی۔

شملہ: ہماچل پردیش کانگریس کی صدر پرتیھا سنگھ کا کہنا ہے کہ "ہم یقینی طور پر تمام سیٹیں جیتیں گے۔ لوگ اب مودی حکومت سے ناراض ہیں، وہ پی ایم مودی کو ووٹ نہیں دینا چاہتے۔ ہم اپنے مشن میں ضرور کامیاب ہوں گے۔"

حیدرآباد لوک سبھا حلقہ سے بی جے پی امیدوار مادھوی لتھا کے خلاف آئی پی سی اور عوامی نمائندگی ایکٹ کے تحت ملک پیٹ پولیس اسٹیشن میں مقدمہ درج کیا گیا ہے۔ مادھوی لتھا پر الزام ہے کہ انھوں نے ایک مسلم خاتون کو برقعہ اتارنے پر مجبور کیا۔

حیدرآباد، تلنگانہ: اپنا ووٹ کاسٹ کرنے کے بعد بھارتی بیڈمنٹن کھلاڑی جوالا گٹا کا کہنا ہے کہ، "ووٹ دینا ہمارا حق ہے، لوگ آئیں اور ووٹ دیں، یہ اقتدار میں رہنے والوں کے لیے بھی پیغام ہے کہ ہم آپ کو ووٹ کے ذریعہ اقتدار میں لا سکتے ہیں اور اگر آپ عوام کے لئے اور ملک کے لئے صحیح کام نہیں کریں گے تو ہم آپ کو نیچے بھی لا سکتے ہیں..."

ایک ویڈیو کے بارے میں پوچھے جانے پر جس میں بی جے پی امیدوار مادھوی لتھا ووٹرز کے شناختی کارڈ چیک کرتے ہوئے نظر آرہی ہیں، تلنگانہ کے سی ایم ریونت ریڈی کا کہنا ہے کہ ’’میں نے (ویڈیو) نہیں دیکھا ہے لیکن بی جے پی محض جیتنے کے لیے مسلم ووٹوں کو پولرائز کرنے کی کوشش کر رہی ہے جس سے اسدالدین اویسی کو مدد ملے گی مگر اس سے بی جے پی کو کوئی فائدہ نہیں ہوگا۔

آندھرا پردیش: وائی ایس آر سی پی ایم ایل اے اور حلقہ سے امیدوار، اے شیوکمار نے گنٹور کے تینالی میں ایک ووٹر سے مار پیٹ کی۔ ووٹر اپنا ووٹ ڈالنے کے لیے قطار میں کھڑا تھا، ایم ایل اے کی لائن کودنے اور انتظار کیے بغیر اپنا ووٹ ڈالنے کی کوشش پر اس نے اعتراض جتایا۔ ایم ایل اے نے جواباً ووٹر کے ساتھ ہاتھا پائی کی۔

بہار: شمال مشرقی دہلی سے کانگریس کے امیدوار کنہیا کمار نے بیگوسرائے کے پولنگ بوتھ پر اپنا ووٹ ڈالا۔

اس حلقے میں موجودہ ایم پی-بی جے پی امیدوار گری راج سنگھ اور سی پی آئی امیدوار اودھیش رائے کے درمیان مقابلہ ہے۔

تلنگانہ کے سابق وزیر اعلیٰ اور بی آر ایس سربراہ کے چندر شیکھر راؤ نے چنتاماڈاکا، سدی پیٹ کے پولنگ بوتھ پر اپنا ووٹ ڈالا۔

بہار: پاٹلی پتر لوک سبھا سے آر جے ڈی کی امیدوار میسا بھارتی کا کہنا ہے کہ "وزیر اعظم نریندر مودی گزشتہ 10 سالوں سے حکومت کر رہے ہیں، لوگوں نے انہیں دو مواقع دیے، اگر انہوں نے ملک کے لیے کچھ کیا ہوتا تو انہیں روڈ شو کرنے کی ضرورت نہیں پڑتی۔ بھارتی نے کہا کہ وزیر اعظم نے اپنے دور میں جو کچھ کیا ہے اس کی فہرست بنائیں کہ کیا کیا ہے اور لوگوں کو بتائیں، لیکن پی ایم نے صرف ہاتھ ہلائے ہیں اور میڈیا میں سرخیاں بنائیں، اس سے کسی کو کوئی فائدہ نہیں ہوگا، اس سے بہار کو کوئی روزگار، خصوصی پیکیج یا خصوصی درجہ نہیں ملے گا۔ اور نہ ہی اس سے کسانوں کی آمدنی دوگنی ہوگی..."

انتخابات کے چوتھے مرحلے میں صبح 11 بجے تک 24.87 فیصد ووٹ ڈالے گئے۔

آندھرا پردیش 23.10 فیصد

بہار 22.54 فیصد

جموں و کشمیر 14.94 فیصد

جھارکھنڈ 27.40 فیصد

مدھیہ پردیش 32.38 فیصد

مہاراشٹر 17.51 فیصد

اڈیشہ 23.28 فیصد

تلنگانہ 24.31 فیصد

اتر پردیش 27.12 فیصد

مغربی بنگال 32.78 فیصد

آندھرا پردیش میں اسمبلی انتخابات میں صبح 11 بجے تک 23.00 فیصد ووٹر ٹرن آؤٹ ریکارڈ کیا گیا۔ اوڈیشہ اسمبلی کے پہلے مرحلے کے انتخابات میں صبح 11 بجے تک 23.28 فیصد ووٹ ڈالے گئے۔

تلنگانہ کے سی ایم ریونت ریڈی اپنے اہل خانہ کے ساتھ محبوب نگر حلقہ کے کوڑنگل میں ایک پولنگ اسٹیشن پر ووٹ ڈالا۔ پولنگ مرکز کے باہر ریونت ریڈی نے اپنی اہلیہ کے ساتھ اپنی سیاہی والی انگلی دکھائی۔

تلنگانہ: بی آر ایس لیڈر کے ٹی راما راؤ کا کہنا ہے کہ "باہر آئیں، ووٹ دیں اور دکھائیں کہ ہم ایک ذمہ دار شہری ہیں. میں سمجھتا ہوں کہ یہ ضروری ہے کہ آپ باہر آئیں اور اپنے حق رائے دہی کا استعمال کریں تاکہ ہم جس قسم کی حکومت چاہتے ہیں اسے ووٹ دیں۔ مجھے امید ہے کہ آپ ترقی کے لئے، مہنگائی کم کرنے کے لئے فیصلہ کن پالیسیوں اور ان لوگوں کے لیے ووٹ دیں گے جن کے پاس حکومت ہے نہ کہ ان لوگوں کو جو اصل میں ملک کی تقسیم چاہتے ہیں..."

لوک سبھا الیکشن 2024 فیز 4 ووٹنگ لائیو: چوتھے مرحلے میں 10 ریاستوں اور مرکز کے زیر انتظام علاقوں (UT) کی 96 سیٹوں پر ووٹنگ جاری ہے۔ اس مرحلے میں آندھرا پردیش کی 25، بہار کی پانچ، جھارکھنڈ کی چار، مدھیہ پردیش کی آٹھ اور مہاراشٹر کی 11 سیٹوں کے لیے ووٹنگ ہو رہی ہے۔ اس کے علاوہ اوڈیشہ کی چار سیٹوں، تلنگانہ کی 17 سیٹوں، اتر پردیش کی 13 سیٹوں، مغربی بنگال کی آٹھ سیٹوں اور جموں و کشمیر کی ایک سیٹ کے لیے ووٹنگ ہو رہی ہے۔

صبح 9 بجے تک ووٹنگ کی فیصد اس طرح سے ہے۔

آندھرا پردیش 9.05 فیصد

بہار10.18 فیصد

جموں و کشمیر 5.7 فیصد

جھارکھنڈ 11.78 فیصد

مدھیہ پردیش 14.97 فیصد

مہاراشٹر 6.45 فیصد

اڈیشہ 9.23 فیصد

تلنگانہ 9.51 فیصد

اتر پردیش 11.67 فیصد

مغربی بنگال 15.24

براہ کرم آئیں اور اپنی ووٹنگ کی طاقت کا استعمال کریں": سپر اسٹار چرنجیوی نے لوگوں سے اپنے ووٹ کا حق استعمال کرنے کی درخواست کی

تلنگانہ: آسکر ایوارڈ یافتہ میوزک کمپوزر اور پدم شری ایوارڈ یافتہ، ایم ایم کیروانی اپنا ووٹ ڈالنے کے لیے حیدرآباد کے جوبلی ہلز میں پولنگ بوتھ پر پہنچے

سرینگر: پولنگ ایجنٹوں کو ہراساں کیے جانے کے بارے میں پوچھے جانے پر، جے کے این سی کے نائب صدر عمر عبداللہ کا کہنا ہے کہ "ہم نے ان کے نام بھی لکھے ہیں۔ دوسروں نے صرف یہ کہا کہ ان کے کارکنوں کو ہراساں کیا جا رہا ہے، لیکن ہم نے اپنے 8 کارکنوں کے نام بتائے۔ انتظامیہ کی طرف سے انتخابی عمل کو خراب کرنے کی یہ کوشش ہے جو قابل مذمت ہے..."

سرینگر، جموں و کشمیر: جے کے این سی کے سربراہ فاروق عبداللہ اور جے کے این سی کے نائب صدر عمر عبداللہ نے اپنا ووٹ کاسٹ کیا۔ پولنگ اسٹیشن کے باہر دونوں لیڈروں نے اپنی سیاہی والی انگلی دکھائی۔

آندھرا پردیش کے گورنر ایس عبدالنذیر نے اپنی اہلیہ سمیرا نذیر کے ساتھ وجئے واڑہ کے گرین پولنگ اسٹیشن پر اپنا ووٹ ڈالا۔

اپنا ووٹ ڈالنے کے بعد، آندھرا پردیش کے سابق وزیر اعلی اور ٹی ڈی پی کے سربراہ این چندرابابو نائیڈو کہتے ہیں، "میں نے اپنے سیاسی کیریئر کے دوران اتنی بھیڑ کبھی نہیں دیکھی۔ لوگ امریکہ، بنگلورو، چنئی سے ووٹ ڈالنے آئے ہیں... لوگ تحفظ چاہتے ہیں۔ جمہوریت اور ان کا مستقبل..."

"ہر ووٹ نریندر مودی کو 400 سے زیادہ سیٹیں جیتنے میں مدد دے سکتا ہے": بیگوسرائے سے بی جے پی امیدوار گری راج سنگھ نے ووٹروں سے اپیل کی

حیدرآباد سے اے آئی ایم آئی ایم کے امیدوار اسدالدین اویسی کا کہنا ہے کہ "ہر الیکشن ویسا نہیں ہو سکتا جیسا کہ 5 سال پہلے تھا۔ چیلنجز مختلف ہیں، ایشوز مختلف ہیں۔ یہ ہمارے ملک کا ایک بہت ہی اہم، تاریخی پارلیمانی الیکشن ہے...

حیدرآباد سے اے آئی ایم آئی ایم کے امیدوار اسد الدین اویسی نے حیدرآباد کے ایک پولنگ بوتھ پر اپنا ووٹ ڈالا۔ یہاں ان کا مقابلہ بی جے پی کی مادھوی لتھا اور بی آر ایس کے گدام سرینواس یادو سے ہے۔

اداکار جونیئر این ٹی آر، نے اپنے خاندان کے ساتھ، جوبلی ہلز، حیدرآباد میں ایک پولنگ بوتھ پر ووٹ ڈالا اور مداحوں کو اپنی انگلی پر سیاہی کا نشان دکھایا۔ انھوں نے کہا کہ سب کو اپنے ووٹ کا حق استعمال کرنا ہوگا۔ میرے خیال میں یہ ایک اچھا پیغام ہے جسے ہمیں آنے والی نسلوں تک پہنچانے کی ضرورت ہے۔

مادھوی لتھا نے کہا کہ، ’’مجھے تمام ووٹروں کو صرف یہ بتانا ہے کہ یہ ہر شہری کی ذمہ داری ہے کہ وہ ووٹ ڈالنے کے لیے باہر نکلیں کیونکہ ووٹ دو تبدیلیاں لاتا ہے، ایک نئی تبدیلی اور ترقی اپنے اور اپنے خاندان کے لیے، دوسری یہ پسماندہ، دلتوں، غریبوں کی زندگیوں کو بدلنے کا موقع فراہم کرتا ہے اور ہر اس بزرگ کی زندگیوں کو بدلنے کا موقع فراہم کرتا ہے جنہیں ووٹ دینا سب سے قیمتی سماجی کام ہے اور ترقی کی طرف بڑھنے کی خواہش ہے۔

اداکار اللو ارجن جوبلی ہلز، حیدرآباد میں ایک پولنگ بوتھ پر اپنا ووٹ ڈال رہے ہیں۔

وزیراعظم نے ایکس پر اپنی پوسٹ میں لکھا کہ، لوک سبھا انتخابات کے آج چوتھے مرحلے میں 10 ریاستوں اور مرکز کے زیر انتظام علاقوں کی 96 سیٹوں پر پولنگ ہو رہی ہے۔ مجھے یقین ہے کہ ان حلقوں کے لوگ بڑی تعداد میں ووٹ ڈالیں گے اور نوجوان ووٹرز کے ساتھ ساتھ خواتین ووٹرز بھی ووٹنگ میں اس اضافے کو تقویت دیں گے۔ آئیے، ہم سب اپنا فرض ادا کریں اور اپنی جمہوریت کو مضبوط کریں۔

پی ایم مودی نے آندھرا پردیش کے عوام سے خاص اپیل کرتے ہوئے ایکس پر اپنی پوسٹ میں لکھا کہ، آندھرا پردیش کے عوام بالخصوص پہلی بار ووٹروں سے اسمبلی انتخابات میں ریکارڈ تعداد میں ووٹ ڈالنے کی اپیل۔ ان انتخابات سے ہماری جمہوری روح کو مزید تقویت ملے گی۔

حیدرآباد: لوک سبھا انتخابات 2024 کے چوتھے مرحلے کے لیے آج ووٹ ڈالے جا رہے ہیں۔ الیکشن کمیشن نے تمام تیاریاں مکمل کر لی ہیں۔ ووٹرز آج صبح سات بجے سے شام 6 بجے تک ووٹ ڈال سکیں گے۔ پولنگ کے پیش نظر سکیورٹی کے پختہ انتظامات کیے گئے ہین۔ اس مرحلے میں مرکز کے زیر انتظام جموں و کشمیر کے سرینگر لوک سبھا سیٹ اور 9 ریاستوں کی کل 96 نشستوں پر ووٹنگ ہو رہی ہے۔

آج چوتھے مرحلے میں جن نو ریاستوں اور مرکز کے زیر انتظام جموں کشمیر میں ووٹنگ کے علاوہ آندھرا پردیش کی تمام 25، تلنگانہ کی کل 17، اتر پردیش کی 13، مہاراشٹر کی 11، مدھیہ پردیش اور مغربی بنگال کی 8-8، چھتیس گڑھ کی پانچ، جھارکھنڈ اور اڈیشہ کی 4-4، اور جموں - کشمیر کی ایک سیٹ شامل ہے۔ اسی کے ساتھ آندھرا پردیش کی کل 175 اسمبلی سیٹوں اور اڈیشہ کی 28 اسمبلی سیٹوں پر بھی ووٹنگ ہو رہی ہے۔