స్టూడెంట్​ను ఢీకొని కి.మీ​ ఈడ్చుకెళ్లిన కారు డ్రైవర్​ను చితక్కొట్టిన స్థానికులు

దిల్లీలో ఓ యువతిని కారుతో ఢీకొట్టి ఈడ్చుకెళ్లిన ఘటన మరువక ముందే ఉత్తర్​ప్రదేశ్​లో అలాంటి ఘటనే జరిగింది. హర్​దోయీ జిల్లాలో సైకిల్​పై వెళ్తున్న ఓ విద్యార్థిని కారు ఢీకొట్టింది. అనంతరం కిలో మీటర్​ వరకు ఈడ్చుకెళ్లింది. దీన్ని గమనించిన స్థానికులు వెంటపడి కారును అడ్డుకున్నారు. ఆ విద్యార్థిని రక్షించారు. కారును ధ్వంసం చేసి డ్రైవర్​కు దేహశుద్ధి చేశారు. గాయపడిన విద్యార్థిని ఆస్పత్రికి తరలించారు. నిందితుడిని అదుపులోకి తీసుకున్న పోలీసులు.. చట్టపరమైన చర్యలు తీసుకుంటామని తెలిపారు.