యాదాద్రి భువనగిరి జిల్లా యాదగిరిగుట్టలో ఎంపీ కోమటిరెడ్డి వెంకట్ రెడ్డి పర్యటించారు. బీర్ల ఫౌండేషన్ ఆధ్వర్యంలో ప్రజలకు అందుబాటులోకి తెచ్చిన 'ఉచిత అంబులెన్స్' సర్వీసును ప్రారంభించారు. స్వయంగా డ్రైవింగ్ చేశారు. అంతకుముందు పీహెచ్సీలో హెల్త్ స్టాఫ్, ఆశావర్కర్లకు చీరలు, మాస్కులు, శానిటైజర్లు, హ్యాండ్ గ్లౌజులు, పల్స్ ఆక్సీమీటర్లు, థర్మల్ స్కానర్లు అందజేశారు.
కరోనాను తరిమికొట్టడానికి అవసరమైతే రూ.వేల కోట్లు ఖర్చు చేస్తామని అసెంబ్లీలో ప్రకటించిన హామీ ఏమైందని సీఎం కేసీఆర్ను ప్రశ్నించారు. కరోనా విపత్కర పరిస్థితుల్లో ప్రైవేట్ అంబులెన్సులు వేలకు వేల రూపాయలు వసూల్ చేస్తున్న నేపథ్యంలో ఉచిత అంబులెన్స్ సేవలను ప్రజలకు అందుబాటులోకి తెచ్చిన కాంగ్రెస్ పార్టీ ఆలేరు నియోజకవర్గ నాయకులు బీర్ల ఐలయ్యను ఎంపీ అభినందించారు.
ఇదీ చదవండి: 'ఈ నెల 10లోపు ధరణిలో చేరిన రైతులకు నగదు జమ'
