గిఫ్ట్ ఏ స్మైల్ కార్యక్రమంలో భాగంగా మంత్రి కేటీఆర్కు వరంగల్ తూర్పు ఎమ్మెల్యే నన్నపనేని నరేందర్ ఆంబులెన్స్ వాహనాన్ని అందజేశారు. కరోనా బాధితులు, పేదలకు వైద్య సేవలు మరింత అందుబాటులోకి తీసుకురావాలనే ఉద్దేశంతో ఈ వాహనం అందజేసినట్లు ఎమ్మెల్యే నరేందర్ తెలిపారు.
ప్రగతి భవన్లో మంత్రులు కేటీఆర్, ఎర్రబెల్లి దయాకర్ రావు, సత్యవతి రాఠోడ్ జెండా ఊపి ఆంబులెన్స్ను ప్రారంభించారు. ఈ కార్యక్రమంలో ప్రభుత్వ చీఫ్ విప్ దాస్యం వినయ్ భాస్కర్, ఎమ్మెల్యేలు ఆరూరి రమేశ్, శంకర్ నాయక్, ఎంపీ మాలోత్ కవిత, మేయర్ గుండా ప్రకాశ్ పాల్గొన్నారు.
