ప్రకృతి... రైతన్న మీద కన్నెర్రజేసింది. అకాల వర్షాలతో అన్నదాతను దెబ్బతీసింది. సిద్దిపేట జిల్లా దుబ్బాకలో ఇవాళ కురిసిన భారీ వర్షానికి మార్కెట్ యార్డులోని వరిధాన్యం తడిసి ముద్దయింది. రైతన్నల కళ్లముందే ధాన్యం నీటిపాలు కావడంతో లబోదిబోమంటున్నారు.
మార్కెట్ అధికారులు తమ ధాన్యాన్ని కొనడానికి కారణాలు చూపుతూ ఆలస్యం చేయడంతో వేచి చూడాల్సి వస్తోందన్నారు. ధాన్యం కొనుగోలు కేంద్రంలోనే రోజుల తరబడి ఉంటున్నామని రైతులు ఆవేదన వ్యక్తం చేస్తున్నారు.
వర్షానికి తడిసిన ధాన్యాన్ని చూసి కర్షకులు కన్నీటి పర్యంతమయ్యారు. తడిసిన ధాన్యాన్ని ప్రభుత్వం కొనుగోలు చేయాలని ప్రాధేయపడ్డారు. తక్షణమే ప్రభుత్వం తమకు సరైన గిట్టుబాటు ధర కల్పించి ఆదుకోవాలని విజ్ఞప్తి చేస్తున్నారు.
దుబ్బాక మార్కెట్ యార్డులో కొట్టుకుపోయిన వరిధాన్యం
