రామోజీ ఫౌండేషన్, ఆక్సిస్ లైవ్లీహుడ్ కన్సల్టింగ్ ఇండియా లిమిటెడ్ సహకారంతో రంగారెడ్డి జిల్లా ఇబ్రహీంపట్నం మండలం నాగన్పల్లిలో ఉచిత ఆరోగ్య శిబిరం నిర్వహించారు. నాగన్పల్లి మహిళా ప్రొడ్యూసర్ కంపెనీ ఆధ్వర్యంలో ముత్తూట్, ఆరోగ్య సంచారిణి సంయుక్తంగా ఈ కార్యక్రమం చేపట్టింది.
గ్రామ పెద్దలతో పాటు గ్రామస్థులు.. ఉచిత ఆరోగ్య శిబిరం ద్వారా ఆరోగ్య పరీక్షలు చేయించుకున్నారు. మొత్తంగా 148 మందికి వైద్య సిబ్బంది పరీక్షలు నిర్వహించి నివేదికలు అందజేశారు.
ఇలాంటి కార్యక్రమం తమ గ్రామంలో నిర్వహించడం సంతోషంగా ఉందని గ్రామస్థులు హర్షం వ్యక్తం చేశారు. రామోజీ ఫౌండేషన్ సహకారం ఎల్లపుడూ తమకు ఉండాలని కోరారు. ఈ కార్యక్రమంలో సర్పంచ్ జగన్ తదితరులు పాల్గొన్నారు.
ఇదీ చదవండి: మహారాష్ట్ర నుంచి వచ్చేవారికి కొవిడ్ పరీక్షలు
