అమరవీరుల త్యాగాల ఫలితంగా ఏర్పడిన తెలంగాణలో ముఖ్యమంత్రి కుటుంబం జల్సాలు చేస్తోందని భాజపా రాష్ట్ర అధ్యక్షుడు బండి సంజయ్ విమర్శించారు. తెరాస ప్రభుత్వాన్ని కూకటివేళ్లతో పెకలించడానికే భాజపా ప్రజా సంగ్రామ యాత్ర చేపట్టిందని అన్నారు. 1400 మంది తెలంగాణ కోసం అమరులైతే.. 600 మందినే తెరాస ప్రభుత్వం గుర్తించిందన్నారు. సీఎం కేసీఆర్కు నైతిక విలువలు లేవని ఆరోపించారు. 111 జీవోను రద్దు చేస్తామని చెప్పారు.. కానీ ఇప్పటికీ రద్దు చేయలేదని చెప్పారు. సీఎంకు ఫాం హౌస్ ఉందని... సీఎం బిడ్డ, కొడుకు, అల్లుడికి ఫాం హౌస్ ఉందన్నారు. చేవెళ్లలో ఎంత మందికి డబుల్ బెడ్ రూం ఇళ్లు వచ్చాయో చెప్పాలన్నారు.
రంగారెడ్డి జిల్లా హైదరాబాద్కు ఆధారం
హైదరాబాద్కు ఆధారం రంగారెడ్డి జిల్లా అని బండి సంజయ్ అన్నారు. పాలు, కూరగాయలు అన్ని రంగారెడ్డి జిల్లా నుంచే వస్తాయన్నారు. తెలంగాణ ఉద్యమాన్ని నడిపిన గడ్డ రంగారెడ్డి జిల్లా అని చెప్పారు. తెలంగాణ కోసం ఎంతో మంది ప్రాణ త్యాగం చేశారని గుర్తు చేశారు.
దళితుడిని ముఖ్యమంత్రి చేస్తానని చెప్పిన కేసీఆర్ వారికి ఉపముఖ్యమంత్రి పదవి ఇచ్చి లాక్కున్నారు. దేశంలో పెద్ద అవినీతిపరుడు సీఎం కేసీఆర్. దళితులకు మూడెకరాల భూమి ఇస్తామని చెప్పారు. భూమి ఇవ్వడం కాదు ఉన్న భూమినే హరితహారం పేరుతో లాక్కుంటున్నారు. డా.బీఆర్ అంబేడ్కర్ జయంతి, వర్ధంతికి నివాళులు అర్పించిన సీఎం ఎవరైనా ఉన్నారంటే అది సీఎం కేసీఆరే. హైదరాబాద్ నడిఒడ్డున అంబేడ్కర్ విగ్రహం ఏర్పాటు చేస్తామన్న సీఎం.. 100 రూంలతో సచివాలయం కట్టుకుంటున్నారు.
బండి సంజయ్, భాజపా రాష్ట్ర అధ్యక్షుడు
ఇదీ చదవండి: TS SCHOOLS REOPEN: రేపు బడులు ప్రారంభిస్తారా లేదా వాయిదా వేస్తారా? సాయంత్రానికి స్పష్టత
