ధరణిని రద్దు చేసి ప్రజలకు న్యాయం చేయాలి: భాజపా

ధరణి వద్దు, పాత పద్దతే ముద్ధు అంటూ... రంగారెడ్డి జిల్లా ఇబ్రహీంపట్నంలో భాజపా నాయకులు ఆందోళన నిర్వహించారు. పట్టణంలోని అంబేడ్కర్ చౌరస్తా నుంచి సబ్ రిజిస్ట్రార్ కార్యాలయం వరకు ర్యాలీ చేపట్టారు.

ఎల్​ఆర్​ఎస్​ను రద్దు చేసి పాత పద్దతిలోనే రిజిస్ట్రేషన్లు చేయాలని... రంగారెడ్డి జిల్లా ఇబ్రహీంపట్నంలో భాజపా ఆధ్వర్యంలో నిరసన చేపట్టారు. పట్టణంలోని అంబేడ్కర్ చౌరస్తా నుంచి సబ్​ రిజిస్ట్రార్ కార్యాలయం వరకు నిరసన ప్రదర్శన చేపట్టారు. కరోనా వల్ల ఇప్పటికే చాలా నష్టం వాటిల్లిందని ఆరోపించారు.

కేసీఆర్​ ప్రవేశ పెట్టిన నూతన రిజిస్ట్రేషన్ విధానంతో సామాన్యులపై అదనపు భారం పడిందని విమర్శించారు. ప్రభుత్వం వెంటనే స్పందించి... ప్రజలకు న్యాయం చేయాలని డిమాండ్ చేశారు. ఈ కార్యక్రమంలో భాజపా రాష్ట్ర కార్యవర్గ సభ్యులు కొత్త అశోక్ గౌడ్, నాయిని సత్యనారాయణ, పోరెడ్డి అర్జున్ రెడ్డి, బాషా, తదితరులు పాల్గొన్నారు.

సంబంధిత కథనం: అగ్రిగోల్డ్ ఛైర్మన్​ సహా ముగ్గురు అరెస్ట్​