రాజన్న సిరిసిల్ల జిల్లా వేములవాడ పట్టణంలో గత కొద్ది రోజులుగా కురుస్తున్న భారీ వర్షాలకు వాగులు పెద్ద ఎత్తున పొంగిపొర్లుతున్నాయి. మల్లారం రోడ్డులోని వాగు పొంగి పొర్లడం వల్ల ప్రధానదారుల్లో రాకపోకలు నిలిచిపోయాయి. ఈ నేపథ్యంలో ప్రవాహానికి రెండు వైపులా బారికేడ్లు, కట్టెలతో ప్రయాణికులు రోడ్డు దాటకుండా అధికారులు చర్యలు తీసుకున్నారు.
ధర్మగుండంలో నిండుగా నీరు...
మరోవైపు ప్రసిద్ధ పుణ్యక్షేత్రమైన వేములవాడ శ్రీ రాజరాజేశ్వరస్వామి ఆలయ ధర్మగుండంలో వర్షపు నీరు నిండుగా వచ్చి చేరింది. కొవిడ్ నిబంధనల నేపథ్యంలో భక్తులను స్నానాలకు అనుమతించడం లేదు.
ఇవీ చూడండి : 'పాజిటివ్ కేసుల్లో 77.17 శాతం మంది కోలుకున్నారు'
