నారాయణపేట జిల్లా కేంద్రంలోని తహసీల్దార్ కార్యాలయంలో జరుగుతున్న ధరణి ప్రక్రియను కలెక్టర్ హరిచందన పరిశీలించారు. ధరణి ప్రక్రియ ఎలా కొనసాగుతోంది? ఎంత సమయంలో పూర్తవుతోంది? వంటి వివరాలను అడిగి తెలుసుకున్నారు. అనంతరం కొలంపల్లి జమ్ములమ్మ కుమారుడు నెహ్రూనాయక్, సరోజమ్మ కుమారుడు సత్యనారాయణరెడ్డి గిఫ్ట్ రిజిస్ట్రేషన్ చేసుకోగా సీతమ్మ తనయుడు నరేష్కుమార్కు సేల్ రిజిస్ట్రేషన్ పాస్ పుస్తకాలను కలెక్టర్ అందజేశారు.
ధరణి ప్రక్రియలో ఏమైనా సమస్యలుంటే తమ దృష్టికి తీసుకురావాలని తహసీల్దార్కు హరిచందన ఆదేశించారు. జిల్లాలో మొత్తం 23 మంది స్లాట్ బుకింగ్ చేసుకున్నారని కలెక్టర్ తెలిపారు. మద్దూర్లో 7, కోస్గి, దామరగిద్ద, ధన్వాడలో 3 చొప్పున, ఉట్కూరులో రెండు, నర్వ, మక్తల్లో ఒక్కోటి స్లాట్ బుకింగ్ పూర్తయినట్లు హరిచందన వివరించారు.
