సర్కార్ బడి అంటే పాతబడిన గదులు, విరిగిపోయిన బెంచీలు, వాసనొచ్చే మరుగుదొడ్లు, అపరిశుభ్రమైన పరిసరాలు దర్శనమిస్తాయి. కాని ఓ ప్రభుత్వ పాఠశాలకు వెళ్తే అలా అనిపించదు. ఎదో ప్రైవేట్ స్కూల్లోకి వెళ్లినట్లు అనిపిస్తుంది. అదే మేడ్చల్ జిల్లా దుండిగల్లోని జిల్లా పరిషత్ ఉన్నత పాఠశాల... ఈ స్కూల్ను అందంగా మార్చింది ఆ పాఠశాల గురువులే.. లాక్డౌన్లో ఉపాధ్యాయులు ఖాళీగా ఉండకుండా మళ్లీ పిల్లలు స్కూల్కు వచ్చేలోగా చక్కటి రంగల లోకంగా తీర్చిదిద్దాలని అనుకున్నారు. ఓ స్వచ్ఛంద సంస్థ సహకారంతో కలిసి పాఠశాలను అద్భుతంగా తీర్చిదిద్దారు.
స్వాగత ద్వారం నుంచి లోపలి వరకు ప్రతి చోట పిల్లలకు అవగాహన కలిగేలా సబ్జెక్టులను పెయింటింగ్ రూపంలో వేశారు. సైన్స్, మాథ్స్, కంప్యూటర్స్, చెట్ల పెంపకం, నీటి పొదుపు, కరోనా వైరస్ బారిన పడకుండా తీసుకోవాల్సిన జాగ్రత్తలపై చక్కటి పెయింటింగ్ వేశారు. పాఠశాల చుట్టూ హరితహారంలో భాగంగా చెట్లను పెంచుతున్నారు. అన్ని ప్రభుత్వ పాఠశాలలు తమను ఆదర్శంగా తీసుకునేలా పిల్లలకు కంప్యూటర్ ల్యాబ్స్, చక్కటి ఆడిటోరియం ఏర్పాటు చేశామని ప్రిన్సిపల్ తెలిపారు.
ఇదీ చదవండి: 'తెలుగువారికి ఉపకారం చేయాలని ఉంది'
